Almatylyq parasportshy, ústel tennisinen sport sheberi Baqytgúl Álimbekova alaiaqtardyń qurbany bolǵany habarlandy. Bul týraly Facebook-te Dala.fm radiosynyń júrgizýshisi Ekaterina Cherkashina da jazdy.
Jýrnalistiń aitýynsha, parasportshy qyz aiaǵyna jańa protez jasatý úshin qazaqstandyqtar jinap bergen 600 myń teńgesinen aiyrylyp qaldy. Ony alaiaqtar aldap soqqan. Beitanys adam qońyraý shalyp, shotyna 120 myń teńge aýdarǵysy keletinin aitqan. Solai, jeke málimetterin surap alǵan. Keiin onyń kartasyndaǵy aqshanyń barlyǵy joǵalyp ketken.
«Dostar, Baqytgúl Álimbekovanyń protezine aqsha jinaý áli de jalǵasýda. Birneshe kún buryn jinalǵan 600 myń teńge onyń shotynan alaiaqtyq jolmen alyndy. Kaspii bank pen politsiia bul máselemen ainalysýda» dep jazdy ol.
B. Álimbekova 15 jasynda baspaldaqtan qulap, jaraqat alǵan. Bul jaraqaty gangrenanyń damýyna alyp kelgendikten, dárigerler sol aiaǵyn kesip tastaýǵa sheshim qabyldaǵan.
