QR Qorǵanys ministrligi Almaty oblysynda parashiýtpen sekirý kezinde áskeri qyzmetshiniń qaza bolýyna qatysty túsinikteme berdi, dep habarlaidy "Ult aqparat".
«22 tamyzda Qapshaǵai qalasynda áskeri qyzmetshiler Mi-17 tikushaǵynan parashiýtpen josparly sekirýdi oryndady. Polkovnik S.S. Aldynǵurov shamamen 200-250 metr biiktikten sekirý barysynda qaýipsizdik tehnikasyn buzǵandyqtan negizgi parashiýti aǵytylyp ketken. Áskeri qyzmetshi qosalqy parashiýtti qoldanǵan, biraq biiktiktiń jetkiliksizdiginen parashiýt ashylyp úlgermegen. Sonyń saldarynan polkovnik Aldynǵurov qaza tapty», - delingen ministrliktiń málimetinde.
Vedomstvo aqparatyna sáikes, parashiýtten sekirý jattyǵýlary jaýyngerlik daiarlyq josparyna sáikes júrgizilgen.
«Sekirýge aýa raiyda qolaily bolǵan. Aldynǵurov 100-den asa sekirýdi oryndaǵan. Sonyń ishinde, kúrdeli, uzaqqa sozylǵan, kúndizgi jáne túngi sekirýler bar. Qazirgi ýaqytta oqiǵa sebepteri anyqtalýda. Áskeri qyzmetshiniń qaza bolýy fakti boiynsha «Aýyr zardaptarǵa ákep soqqan qyzmetke salǵyrt qaraý» QR QK-niń453-baby 2-bóligine sáikes qylmystyq is qozǵaldy», - dedi Qorǵanys ministrliginen.
