Foto: Paralimpiada komiteti
Parijdegi Paralimpiada oiyndarynda David Degtiarev paýerliftingten altyn medal jeńip aldy, dep habarlaidy "Ult aqparat".
Degtiarev – Qazaqstan tarihyndaǵy eki dúrkin Paralimpiada chempiony atanǵan tuńǵysh sportshy. Qazaqstandyq parasportshylar elimizge úshinshi altyndy ákeldi.
Sportshy 54 kelige deiingi salmaqta baq synasty. Paralimpiada oiyndarynda bul salmaq boiynsha 10 sportshy qatysty. Degtiarev finalda úzdik nátije kórsetti. Ol 188 keli shtangany kóterdi. Kýbalyq Pablo Ramires Barrientos (185 keli) kúmis, qytailyq Ian Tszinlan (179) qola júldeni jeńip aldy.
David Degtiarev – 28 jasta, Aqmola oblysy Atbasar qalasynyń týmasy, 2017 jyldan beri halyqaralyq jarystarǵa qatysyp keledi. Ol eki paralimpiada jeńisinen bólek, Aziia oiyndarynyń chempiony jáne eki dúrkin álem chempiony.
