Búgin, 24 tamyzda Tokioda Paralimpiada oiyndarynyń ashylý saltanaty ótti. Jarysqa 25 qazaqstandyq qatysady, - dep habarlaidy Tengrinews.kz tilshisi Olympic.kz saityna silteme jasap.
Tokioda dástúrli Olimpiada alaýyn berý estafetasy ótti. Ashylý saltanatynyń taqyryby retinde "Bizdiń qanatymyz bar" urany tańdaldy.
Odan keiin Paralimpiada oiyndarynyń ashylý saltanatyna orai sherý ótti, oǵan 5 myń atlet qatysty.
© REUTERS
"Paralimpiadada Qazaqstan atynan sporttyń jeti túrinen 25 sportshy baq synaidy. Parathekvondodan eki dúrkin álem chempiony, Aziianyń úsh dúrkin chempiony Nurlan Dombaev pen paýerliftingten ótken Paralimpiada-2016 kúmis júldegeri Raýshan Qoishybaeva tý ustaýshylar atandy", - delingen habarlamada.
Paralimpiadaǵa qatysatyndar:
- Júzý - Nurdáýlet Jumaǵali, Nuráli Sovetkanov, Siiazbek Daliev, Erjan Sálimgereev, Zýlfiia Gabidýlina, Roman Agalakov, Áliia Rahymbekova;
- Jeńil atletika - Dastan Muqashbekov, Saltanat Ábilqasymqyzy;
- Dziýdo - Janbota Amanjol, Zarina Baibatina, Temirjan Dáýlet, Daiana Fedosova, Ánýar Sariev, Ǵalymjan Smaǵululy;
- Kanoe - Bibarys Spatai;
- Thekvondo - Nurlan Dombaev, Nyshan Ómiráli, Kamila Dosmalova;
- Paýerlifting - David Degtiarev, Raýshan Qoishybaeva, Rahmedjan Hamaev, Gúlbaný Ábdihalyqova, Alina Solodýhina;
- Oq atý - Aisulý Jumabaeva.
