Aqmola oblysynyń ákimi Ermek Marjyqpaev Tokio paralimpiadasynan jeńispen oralǵan aqmolalyq parapaýerlifter David Degtiarevke jańa páter men kóliktiń kiltin tapsyrdy, dep habarlaidy "Ult aqparat".
Aimaq basshysy Ermek Marjyqpaev quttyqtaý sózinde óńirde sport salasy qarqyndy damyp kele jatqanyn, buqaralyq sportty damytý úshin birqatar sharýalar tyndyrylyp jatqanyn atap ótti.
«Sport salasynda 2 myńnan astam maman eńbek etedi. Óńirdiń qalalary men aýyldarynda 2,5 myń sport nysanynda 240 myńnan astam áýesqoi sportshylar jattyǵady. David Degtiarev aqmolalyq atletterdiń dańqty jeńisteri jylnamasynda laiyqty oryn aldy. Biz onyń jetistigin maqtan tutamyz jáne zor densaýlyq pen tabys tileimiz», – dep atap ótti Ermek Boranbaiuly.
Marjyqpaev chempionǵa kóliktiń kiltin jáne 3 bólmeli jańa páterdiń sertifikatyn tabys etti. Al, onyń jattyqtyrýshy Iýrii Kolesnikov 5 million teńge aldy.
«Men jeńisimdi tamasha elime arnaimyn», - dep qýnyshymen bólisti David Degtiarov.
Aita keteiik, Tokio ótip jatqan paralimpidada aqmolalyq parapaýerlifter David Degtiarevka Qazaqstan qorjynyna alǵashqy altyn medal salǵan bolatyn.
