Túrkistan oblysynda para retinde 30 qoidy iemdengen sheneýnik ómir boiy memlettik qyzmette jumys isteý quqyǵynan aiyryldy, dep habarlaidy "Ult aqparat".
Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov Antikor ortalyǵynda ótken brifingide aitty.
«Shymkent qalasy Ál-Farabi aýdandyq sotynyń úkimimen Túrkistan oblysynyń sáýlet jáne qala qurylysy basqarmasyna qarasty sáýlet jáne jobalar men nysandardyń smetalyq esebin daiyndaý bóliminiń basshysy Sh.Qojamsúgirov alaiaqtyq jasaǵany úshin memlekettik qyzmette jumys isteý quqyǵynan ómir boiyna aiyryla otyryp, 15 620 000 teńge mólsherinde aiyppul salyndy», - dedi agenttik ókili.
Atalǵan sheneýnik paraǵa 30 qoi aldy degen kúdikpen ustalǵan.
«Ol Shymkent qalasyndaǵy Tashkent tasjolynyń boiynda ornalasqan jer ýchaskesiniń memlekettik aktisin alýǵa kómekteskeni úshin alaiaqtyq jolmen jalpy somasy 1 200 000 teńge bolatyn 30 qoi men 11 000 teńge somasyndaǵy aqshalai qarajatty aldy degen kúdikke ilingen», - Daniiar Bekaidarov.
