تٷركٸستان وبلىسىندا پارا رەتٸندە 30 قويدى يەمدەنگەن شەنەۋنٸك ٶمٸر بويى مەملەتتٸك قىزمەتتە جۇمىس ٸستەۋ قۇقىعىنان ايىرىلدى, دەپ حابارلايدى "ۇلت اقپارات".
بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ Antikor ورتالىعىندا ٶتكەن بريفينگٸدە ايتتى.
«شىمكەنت قالاسى ەل-فارابي اۋداندىق سوتىنىڭ ٷكٸمٸمەن تٷركٸستان وبلىسىنىڭ سەۋلەت جەنە قالا قۇرىلىسى باسقارماسىنا قاراستى سەۋلەت جەنە جوبالار مەن نىسانداردىڭ سمەتالىق ەسەبٸن دايىنداۋ بٶلٸمٸنٸڭ باسشىسى ش.قوجامسٷگٸروۆ الاياقتىق جاساعانى ٷشٸن مەملەكەتتٸك قىزمەتتە جۇمىس ٸستەۋ قۇقىعىنان ٶمٸر بويىنا ايىرىلا وتىرىپ, 15 620 000 تەڭگە مٶلشەرٸندە ايىپپۇل سالىندى», - دەدٸ اگەنتتٸك ٶكٸلٸ.
اتالعان شەنەۋنٸك پاراعا 30 قوي الدى دەگەن كٷدٸكپەن ۇستالعان.
«ول شىمكەنت قالاسىنداعى تاشكەنت تاسجولىنىڭ بويىندا ورنالاسقان جەر ۋچاسكەسٸنٸڭ مەملەكەتتٸك اكتٸسٸن الۋعا كٶمەكتەسكەنٸ ٷشٸن الاياقتىق جولمەن جالپى سوماسى 1 200 000 تەڭگە بولاتىن 30 قوي مەن 11 000 تەڭگە سوماسىنداعى اقشالاي قاراجاتتى الدى دەگەن كٷدٸككە ٸلٸنگەن», - دانييار بەكايداروۆ.
