Para alǵany úshin túrmege qamalǵan Shyǵys Qazaqstan oblysy Aiagóz qalasynyń burynǵy ákimi merziminen buryn bosap shyqty, dep habarlaidy QazAqparat.
Semei qalalyq №2 soty baspasóz qyzmetiniń málimetine súiensek, Q.esimdi sottalǵannyń bas bostandyǵynan aiyrý jazasyn aiyppul tóleýge aýystyrý týraly ótinishi boiynsha material qaraldy. Aiagóz qalasynyń burynǵy ákimi ótinishhatynda jazanyń bir bóligin ótegenin jazǵan.
«Túrmede otyrǵan kezde ol ózin jaqsy qyrynan kórsetti. Sot úkimi boiynsha protsessýaldyq shyǵyndardy tóledi, azamattyq talaptary bolmady. Tárbielik is-sharalarǵa da belsendi qatysty. Sottalǵan azamat qamaýda ustaýdyń jeńildetilgen jaǵdailaryna aýystyrylǵan», - delingen aqparatta.
Osylaisha, sot sheshimimen eks-ákimniń ótinishi qanaǵattandyryldy.
