پارا العانى ٷشٸن تٷرمەگە قامالعان شىعىس قازاقستان وبلىسى اياگٶز قالاسىنىڭ بۇرىنعى ەكٸمٸ مەرزٸمٸنەن بۇرىن بوساپ شىقتى, دەپ حابارلايدى قازاقپارات.
سەمەي قالالىق №2 سوتى باسپاسٶز قىزمەتٸنٸڭ مەلٸمەتٸنە سٷيەنسەك, ق.ەسٸمدٸ سوتتالعاننىڭ باس بوستاندىعىنان ايىرۋ جازاسىن ايىپپۇل تٶلەۋگە اۋىستىرۋ تۋرالى ٶتٸنٸشٸ بويىنشا ماتەريال قارالدى. اياگٶز قالاسىنىڭ بۇرىنعى ەكٸمٸ ٶتٸنٸشحاتىندا جازانىڭ بٸر بٶلٸگٸن ٶتەگەنٸن جازعان.
«تٷرمەدە وتىرعان كەزدە ول ٶزٸن جاقسى قىرىنان كٶرسەتتٸ. سوت ٷكٸمٸ بويىنشا پروتسەسسۋالدىق شىعىنداردى تٶلەدٸ, ازاماتتىق تالاپتارى بولمادى. تەربيەلٸك ٸس-شارالارعا دا بەلسەندٸ قاتىستى. سوتتالعان ازامات قاماۋدا ۇستاۋدىڭ جەڭٸلدەتٸلگەن جاعدايلارىنا اۋىستىرىلعان», - دەلٸنگەن اقپاراتتا.
وسىلايشا, سوت شەشٸمٸمەن ەكس-ەكٸمنٸڭ ٶتٸنٸشٸ قاناعاتتاندىرىلدى.
