Tálipter Kabýl áýejaiynda. 31 tamyz 2021 jyl.
Aýǵanstannyń soltústik-batysyndaǵy Panjsher shatqalynda Ahmat Masýd bastaǵan top pen tálipter arasynda urys qaita bastaldy.
Sońǵy málimet boiynsha, kem degende jeti adam qaza tapqan.
Panjsher — "Taliban" biligi áli ornamaǵan jalǵyz aimaq. Ol jaqqa tálipterge qarsylar jinalyp jatyr. Jeksenbide Ahmad Masýd jańa úkimet ókilderimen kelissóz júrgizýge daiyn ekenin málimdegen.
"Taliban" dúisenbide Panjsher shatqalyna ásker jibergenin habarlaǵan.
30 tamyzda AQSh Aýǵanstandaǵy áskeri missiiasyn aiaqtap, eń sońǵy ushaǵymen Kabýldan shyǵyp ketti. AQSh Kabýldan jalpy 123 myńnan astam sheteldikti jáne ómirine qaýip týǵyzatyn aýǵandyqtardy shyǵaryp aldy.
Kabýl halyqaralyq áýejaiy endi "Taliban" qozǵalysynyń qolyna ótti.
