Eýraziialyq ekonomikalyq odaq elderi pandemiiany eńserý úshin farmatsevtika salasynda birlesken jobalardy júzege asyrýy qajet. Bul týraly Joǵary Eýraziialyq ekonomikalyq keńes otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Pandemiiamen kúrestegi aitarlyqtai tabystarǵa qaramastan elder áli de kúrdeli jaǵdaida tur. Koronavirýstyń jańa shtamdarynyń paida bolýyna jáne azamattardyń vaktsinatsiialanýynyń jetkiliksizdigine bailanysty aitarlyqtai táýekel saqtalyp otyr. Ózderińizde biletindei, Qazaqstan Resei Federatsiiasymen qatar óziniń QazVac vaktsinasyn ázirlei aldy. Ol qazirgi ýaqytta Qazaqstanda belsendi túrde qoldanylyp jatyr. Búginde ony Dúniejúzilik densaýlyq saqtaý uiymynda tirkeý protsesi júrip jatyr», - dedi Qasym-Jomart Toqaev.
QR Prezidenti pandemiia kezinde Qaraǵandy qalasyndaǵy zaýytta Reseidiń «Spýtnik V» vaktsinasyn óndirý jobasyn integratsiialyq yntymaqtastyqtyń erekshe úlgisi dep sanaityndyǵyn basa aitty.
«Munan ary da pandemiiany tabysty eńserý úshin kúsh-jigerimizdi biriktirip, ǵylym men farmatsevtika salasynda birlesken jobalardy júzege asyrý, qajettilik týyndaǵan jaǵdaida sanitarlyq-epidemiologiialyq rejim ornatý is-áreketterin úilestirý kerek», - dedi Memleket basshysy.
