Dúniejúzilik densaýlyq saqtaý uiymy Eýropa elderin koronavirýspen kúreste qyraǵylyq tanytýǵa shaqyrdy. Sebebi pandemiiamen kúreste aldaǵy birneshe apta asa mańyzdy bolmaq, dep habarlaidy "Ult aqparat" Memlekettik komissiianyń shuǵyl shtabyna silteme jasap.
«Dúniejúzilik densaýlyq saqtaý uiymy Eýropa elderin koronavirýs infektsiiasymen kúreste qyraǵylyq tanytýǵa shaqyrady. Pandemiiamen kúreste aldaǵy birneshe apta basty mańyzǵa ie bolady», - dep málimdedi DDU Eýropalyq biýrosynyń direktory Hans Kliýgge.
Germaniia, Italiia, Ispaniia, Frantsiia jáne Shveitsariiada koronavirýstyń anyqtalý jaǵdailary tómendegenine qaramastan, indet Belarýste, Ulybritaniia, Resei, Túrkiia jáne Ýkrainada tez taralyp jatyr.
DDU óńirlik biýrosynyń basshysy «jeńis ońai bolmaitynyn» eskertti.
Hans Kliýgge múltiksiz saqtaý kerek sharttardy atady:
- Densaýlyq saqtaý júiesi qaýip tobyndaǵy adamdardy anyqtap, oqshaýlap, test jasaýy kerek;
- Qarttar úilerinde, psihikalyq aýrýlarǵa arnalǵan mekemelerde jáne basqa da adamdar kóp jinalatyn oryndarda virýstyń taralý qaýpin barynsha azaitý qajet;
- Jumys oryndarynda virýstyń aldyn alý úshin jaǵdai jasaý, ainaladaǵy adamdardan ózin alys ustaý, qol jýý jáne basqa da gigiena sharalaryn saqtaý qajet;
- Barlyq elderge, ásirese, shekteýlerdi alyp tastap, koronavirýspen kúrestiń jańa kezeńine ótip jatqan memleketterdiń tájiribesine qaraý usynylady.
