Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet «Aq jol» fraktsiiasy bailanys operatorlarynyń tarif saiasatyn synǵa aldy «Aq jol» fraktsiiasy bailanys operatorlarynyń tarif saiasatyn synǵa aldy
Qoǵam

Pandemiia osymen bitedi dep úmittenemiz - maman

Ult portaly
Pandemiia osymen bitedi dep úmittenemiz - maman

Foto: Tengrinews.kz

Nur-Sultan qalasynyń №10 emhanasynyń jalpy tájiribelik dáriger bóliminiń meńgerýshisi Qurmanbekov Fazylbek koronavirýstyń omikron shtamy týraly suraqtarǵa jaýap berip, pandemiia osymen bitedi degen úmit baryn aitty, - dep habarlaidy Tengrinews.kz tilshisi coronavirus2020.kz saityna silteme jasap.

"Pandemiia osymen bitedi dep úmittenemiz. Biraq bul virýs tolyǵymen joiylady, odan arylamyz degen sóz emes. Virýs mýtatsiialanady jáne ol bizben birge basqa da virýs túrleri siiaqty "ómir súredi". Ony jeńýdiń tek bir joly bar. Biz koronavirýsqa tek turǵyndardy vaktsina, revaktsinalaý arqyly ǵana tótep bere alamyz. Azamattar tolyǵymen vaktsina alǵan jaǵdaida ǵana, virýstyń aldyn alyp, ony basqarýǵa múmkindik týady", - deidi Qurmanbekov Fazylbek.

Fazylbek Meiramulynyń aitýynsha, qystan keiin, onyń ústine, biylǵy omikron shtamynan keiin turǵyndardyń immýniteti tómendep, adam aǵzasy álsireidi. Ádette bir infektsiialyq aýrý báseńdegende, basqasy órshidi.

"Qazirgi ýaqytta bizde koronavirýs báseńdep, kóktemge qarai JRVI juqtyrý qaýpi joǵarylap otyr. Negizi, koronavirýstan keiin kópshilik JRVI-ǵa ústirt qarap, onyń aldyn alý sharalaryna mán bermei júr. Biraq bulai bolmaidy. JRVI-ǵa shaldyqqan adamdar ústirtin qaraý saldarynan aýrýyn asqyndyryp alyp, sońy pnevmoniiaǵa deiin ákelip soǵýy múmkin. Sol sebepti azamattarǵa qazir barynsha saqtanyp, immýnitetti kóterý jaǵyna mán berý kerek. Al, jalpy biyl kóktemde JRVI-dy juqtyrý qaýpi joǵary bolady dep boljap otyrmyz jáne ol ádettegidei balalardyń arasynda taralýy múmkin", - deidi dáriger.

Maman elimizde qańtar-aqpanda órshigen omikron shtamyna kóp azamat salǵyrt qarap, ony JRVI dep oilaǵanyn aitty. PTR test tapsyrmai, úiden emdeldi, deidi ol.

"Alaida olardyń basym kópshiligi keiin test tapsyrǵanda, aǵzada antidene kóp ekeni anyqtaldy. Budan biyl jyl basynda el azamattary omikron shtamyn juqtyrǵanyn anyq kórýge bolady. Iá, koronavirýstyń qazirgi shtamynyń belgileri JRVI-men uqsas bolyp otyr. Aldyńǵy shtamdarda, máselen, adamnyń dene qyzýy kóterilýimen qatar, dert ókpeniń qabýyna – pnevomaniiaǵa deiin asqynyp ketetin. Qazir kerisinshe mundai jaǵdailar az. Sol sebepti mynaý koronavirýs, al basqasy JRVI dep naqty aitý qiyn", - dedi Fazylbek Meiramuly.

Fazylbek Meiramuly qazir Ashyq qosymshasyn, kóshede betperde taǵý rejimin alyp tastap jatqanyn aitty. Alaida bizge áli de bosańsýǵa bolmaidy. Onyń aitýynsha, vaktsina – qai zamanda da qaýipti virýsty jeńýdiń eń utymdy tásili ekenin ǵalymdar baiaǵyda-aq dáleldep bergen.

"Sondyqtan COVID-19-ǵa qarsy vaktsina saldyrý ár sanaly azamattyń boryshy bolýǵa tiis. Vaktsina salǵyzbaǵan azamattar kerisinshe, osy áreketterimen ujymdyq immýnitettiń qalyptasýyna kedergi keltirýi múmkin. Iá, bastapqyda kóptegen azamattar vaktsinadan qoryqqany ras. Biraq tájiribe kórsetip otyrǵandai, tek vaktsinalanǵan adamdar ǵana bul indetke tótep bere alady. Qazir bilseńizder, onkologiialyq aýrýlarǵa, tipti týberkýlezdiń belsendi fazasyna shaldyqpaǵan naýqastarǵa da vaktsina salynyp jatyr", - deidi maman.

Oqi otyryńyz