Jumys formatynyń kúrt ózgerýi, firmalardyń biznes-modelderin kútpegen jerden qaita qurýy uiymdarmen birge jekelegen qyzmetkerlerdi de eseńgiretip tastaǵany jasyryn emes. Oqshaýlaný men jalǵan aqparat jeldei esken qazirgi jaǵdaida kiberqaýipsizdik biliktiligi erekshe mańyzǵa ie. Osy sebepti QR Densaýlyq saqtaý ministrliginiń Tsifrlandyrý keńsesi tsifrlyq saýattylyq deńgeiin tegin arttyrýdy usynady, dep habarlaidy "Ult aqparat".⠀
«Niet bildirýshilerge «Pandemiia kezindegi ómir men kásip qaýipsizdigi» atty tegin onlain kýrstan ótý usynylady. Kýrs osynaý qiyn sátte qazaqstandyq uiymdar men el azamattaryn barynsha qoldaýǵa baǵyttalǵan. Sondai-aq tsifrlyq álemde ózin senimdi sezinýge, indet týraly qajetti daǵdylar men bilim alýǵa múmkindik beredi. Kýrsty oqytýdyń beiimdelý júiesi negizinde jasalǵan. Ol ómirlik mysaldarmen bekitilgen teoriialyq materialdardan, birneshe jaýap nusqalarynan jáne senimdilik dárejesin anyqtaityn testterden qurastyrylǵan», - dep habarlaidy Densaýlyq saqtaý ministrliginen.
Sabaq árdaiym suraqtan bastalady. Sodan soń paidalanýshynyń taqyrypty túsinýine negizdele otyryp, júie teoriialyq materialdy kórsetedi. Bolmasa jaýaptar durys bolǵan jaǵdaida basqa taqyrypqa aýysady. Test qorytyndysy boiynsha adaptivti tehnologiia materialdy bekitip, qaitalaýdy usynady. Bul rette aqyldy júie paidalanýshyǵa qiynǵa soqqan taqyryptarǵa ǵana toqtalatynyn atap ótý kerek
«Pandemiia kezindegi ómir men kásip qaýipsizdigi» tegin kýrsyn «Kasperskii zerthanasy» oqytýdyń adaptivti salasyndaǵy úzdik kompaniialardyń biri Area9 Lyceum-men birlese ázirlegen. Kýrstan siltemesin basyp, tirkelý arqyly ótýge bolady. Ol koronavirýstyń qaýip deńgeiin, aýyryp qalý nemese ainalańdaǵylarǵa juqtyrý qaýpin azaitý úshin ózińdi qalai ustaý kerektigin bilýge kómektesedi. Sondai-aq sabaq aýrýdyń aldyn alý ádisteri men koronavirýstyq infektsiialar tobymen bailanysty stereotipter týraly aqparattardy qamtidy. Modýl meditsina jáne biologiia salasyndaǵy jetekshi mamandardyń qatysýymen ázirlengen. Avtory Verona ýniversitetiniń meditsina ǵylymdarynyń doktory, klinikalyq biohimiia professory Djýzeppe Lippi. Modýldiń retsenzentteri — doktor Nil Anderson, Bleik Biýken, Ping Vang», - dep habarlaidy ministrlikten.⠀
Ekinshi modýl qashyqtaǵy jumysqa qaýipsiz beiimdelýge jáne keńsedegi júielik ákimshiniń kómeginsiz kibersaýattylyqty arttyrýǵa kómektesedi. Sabaq qorytyndysy boiynsha tsifrlyq saýattylyǵy tómen, tipti buryn qashyqtan múldem jumys istemegen paidalanýshylar ózine úiden barynsha qaýipsiz jumysty uiymdastyra alatyndai etip qurastyrylǵan. Modýl kiberqaýipsizdiktegi eń mańyzdy bazalyq daǵdylardy damytýǵa kómektesedi. Qazaqstandyqtar úshin qashyqtyqtan qaýipsiz jumys isteý týraly qosymsha aqparatty myna siltemeden tabýǵa bolady.
