Almaty qalasynyń ákimi Baqytjan Saǵyntaev buqaralyq aqparat quraldaryna arnalǵan onlain brifingte aimaqtyq deńgeide biznes qoǵamdastyqty qoldaý maqsatynda olardyń qarjylyq turaqtylyǵyn qamtamasyz etýge múmkindik beretin keshendi sharalardyń daiyndalǵanyn aitty, dep habarlaidy QazAqparat.
Baqytjan Saǵyntaev qoldaý sharalarynyń biznes qaýymdastyqpen jáne «Atameken» kásipkerler palatasymen birge talqylatynyn atap ótti. Óńirlik pen qalalyq iskerlik keńesterdiń otyrystarynda kommýnaldyq tólem, jumys istemegen kezderdegi jaldaý aqysy boiynsha qaryzdardy joiý sharalary usynyldy.
«Kásipkerlerdi qoldaý jónindegi daiyndalǵan is-sharalar paketi orta kásipkerlik shyǵyndarda, kommýnaldyq tólemderdi tolyq sýbsidiialaýdy, qoǵamdyq jumys oryndaryn qurýdy, memlekettik jáne kvazimemlekettik múlikti jaldaýdan bosatýdy, bazarlar men saýda úileri, oiyn-saýyq ortalyqtarynda oryn jaldaýshylaryna jaldaý aqysynyń 30%-yn sýbsidiialaýdy qarastyrǵan»,-dedi ákim.
Sonymen qatar, respýblikalyq deńgeide birqatar qoldaý sharalary daiyndaldy. Bul jumysy toqtaǵan biznes salalarynyń salyqtan, tólemderden, qyzmetkerlerge áleýmettik tólemderdi berý, nesielerdi tóleý keiinge shegerildi.
