Aqparat jáne qoǵamdyq damý ministri Aida Balaeva el aldynda esep berip jatyr, dep habarlaidy "Ult aqparat".
Aida Balaeva ótken jyl ministrlik úshin aqparattyq-ideologiialyq jumys saladaǵy negizgi baǵyttyń sabaqtastyǵyn bekitip qana qoimai, sonymen qatar jańa bastamalardy iske asyrýǵa bastaý bolǵanyn atady.
«Ózderińiz biletindei, ótken 2020 jyl bizdiń buqaralyq aqparat quraldary úshin óte qiyn jyl boldy. Jarnamalyq kiristerdiń shektelýine bailanysty BAQ úlken qarjylyq qiyndyqtarǵa tap boldy. Sondyqtan, birinshi kezekte biz daǵdarystyń saldaryn joiý boiynsha júieli jumysqa kiristik. Prezidenttiń tapsyrmasy boiynsha jáne Úkimettiń qoldaýymen memleket teńdessiz qoldaý kórsetti, sonyń arqasynda kóptegen jeke BAQ óz jumysyn jalǵastyrýǵa múmkindik aldy», - dedi ministr.
Ministrliktiń deregi boiynsha, osynaý qiyn kezeńde kommertsiialyq BAQ salyq tóleýden jáne eńbekaqy qoryna salynatyn mindetti aýdarymdardan bosatylǵan. 2020 jylǵy 1 sáýir men 1 qazan aralyǵynda 67 kommertsiialyq telearna men radioarna 2020 jylǵy 1 shilde men 31 jeltoqsan aralyǵynda balama jáne efirlik tsifrlyq teleradio habarlaryn taratý qyzmetterine aqy tóleýden bosatylǵan.
«Jalpy, 2020 jyly memlekettik aqparattyq saiasatty iske asyrý 88 BAQ (11 tele jáne radioarna, 40 basylym jáne 37 internet-resýrs) arqyly tabysty júzege asyryldy. Olardyń kúshimen COVID-2019-ǵa qarsy is-qimyl jáne infektsiiany taralmaýy jónindegi sharalardy aqparattyq túsindirý boiynsha aýqymdy jumys júrgizildi. 250-den astam beinerolik shyǵaryldy. «El arna» jáne «Balapan» telearnalarynyń efirinde «onlain sabaqtar» kórsetilimi qamtamasyz etildi. Bul balalarymyzǵa infektsiia juqtyrý qaýipinsiz úzdiksiz bilim alýyna múmkindik berdi», -dedi vedomstvo basshysy.
