QR Prezidenti Qasym-Jomart Toqaev «Ortalyq Aziia – QHR» sammitinde «Bir beldeý – bir jol» jobasy týraly pikir bildirdi, dep habarlaidy QazAqparat.
«Sozylmaly pandemiia jaǵdaiynda «Bir beldeý – bir jol» bastamasy óziniń suranysqa ie ekenin kórsetti. Búkil álem osynaý aýqymdy jobanyń jemisin sezindi. Beldeý men joldy ári qarai da birlesip salýdyń jumystaryn belsendendirý mańyzdy dep esepteimin. Onyń ishinde qosylǵan qun salyǵy joǵary ónim shyǵarýǵa baǵyttalǵan iri jobalarǵa kóńil bólý qajet», - degen Prezident bul negizinen tsifrlandyrý, jasyl tehnologiia jáne innovatsiialar salasyna qatysty ekenin eskertti.
«Bul salalarda Qytaidyń tabysy aiqyn kórinip otyr. «Bir beldeý – bir jol» bastamasynyń negizgi býyny bolyp sanalatyn Qazaqstan Qytai kóshbasshysy málim etken áriptestiktiń jańartylǵan ólshemderin jan-jaqty qoldaidy. Iaǵni jobalardyń joǵary standarttary men uzaq merzimdiligin, áleýmettik baǵdarlanýyn qoldaidy», - dedi Memleket basshysy.
Shara barysynda QR Prezidenti «Qytai men Ortalyq Aziia halyqtarynyń dostyǵy» forýmyn ótkizý bastamasyna qoldaý bildirdi.
