Almatyda jyl basynan bergi taýar ainalym 2 984,1 mlrd teńge boldy. Bul týraly onlain brifing barysynda Almaty qalasy Kásipkerlik jáne investitsiialar basqarmasynyń basshysy Erkebulan Orazalin málim etti, dep habarlaidy QazAqparat.
Onyń aitýynsha, qalada birinshi toqsanda taýar ainalym 2 984,1 mlrd teńgeni boldy. Naqty kóleminiń indeksi – 96,1%. Onyń ishinde bólshek saýda taýar ainalymy 801,2 mlrd teńgeni, naqty kóleminiń indeksi – 98,6%-dy quraǵan.
«Bul rette, azyq-túliktik taýarlaryn satý 0,9%-ǵa artty, azyq-túliktik emes taýarlaryn satý 2,1%-ǵa tómendedi. Sonymen birge, kompiýter, farmónimder, qurylys materialdary, kiim jáne aiaq kiimder satylymynyń óskeni baiqalady. Taýarlardyń keń túri satylymynyń tómendegenine (naqty kóleminiń indeksi – 91,2%, úlesi – 26,5%) qaramastan, quldyraýdyń jalpy qarqyny qysqarýda», - dedi ol.
Sonymen qatar, azyq-túliktik taýarlaryn satýdyń naqty kóleminiń indeksi 77,2%-dy, azyq-túliktik emes taýarlar boiynsha – 105,5%-dy qurady. Bul rette qurylys materialdarynyń satylymy 5,4%-ǵa, avtomobilder satylymy 3,3%-ǵa, taýarlardyń keń túriniń satylymy 8,7%-ǵa artqan.
«Azyq-túliktik emes taýarlar boiynsha satylymnyń quldyraýy myna ónimderde baiqalady, máselen dizel otyny 0,8%-ǵa, syrtqy jabdyqtar 1,2%-ǵa tómendedi. Degenmen osy jylǵy sáýirde satylymnyń oń serpini saqtalýda jáne saýda salasy ári qarai ósedi degen boljam bar. Satylymnyń ósýine áser etip otyrǵan negizgi sebep, qazirgi ýaqytta saýda nysandary úshin jeńildik jasaý, sondai-aq kiim, aiaq kiim sekildi azyq-túliktik emes taýarlarǵa degen maýsymdyq suranys bolyp otyr. Sonyń negizinde, bólshek saýda ósimi 4%-dan astam kórsetkishke, onyń ishinde, azyq-túliktik taýarlar 1,6%-ǵa, bul 323,6 mlrd teńge, azyq-túliktik emes taýarlar 5,2%-ǵa, iaǵni 769,6 mlrd teńgege ósedi degen boljam bar», - dedi basqarma basshysy.
Kóterme saýda taýar ainalymy 2 182,9 mlrd teńgeni, naqty kóleminiń indeksi – 97,6%-dy quraǵan. Al, jalpy Qazaqstan boiynsha kólemi – 5 139,1 mlrd teńge, naqty kóleminiń indeksi – 99,5% eken.
Erkebulan Orazalinniń aitýynsha, pandemiia Almatyda internet-saýdanyń damýyna serpin berdi. Qala turǵyndary taýarlardy satyp alýdyń osy túrine kóbirek júginýde. Sonymen qatar, onlain-saýda satýdyń barlyq salalarynda — kiim men sport taýarlarynan bastap turmystyq tehnikaǵa nemese azyq-túlikke deiin damyp keledi.
