BUU Damý Baǵdarlamasy koronovirýsy pandemiiasynyń áleýmettik-ekonomikalyq zardaptaryn jumsartý boiynsha Qazaqstan úkimetine jedel qoldaý kórsetý baǵdarlamasy aiasynda áleýmettik osal toptaǵy 150 jasqa jumysqa ornalasý múmkindigin berdi.
Karantin kezinde jumysynan aiyrylǵan jastar kásibi biliktilikterin arttyrý treningteri men mentorlyq qoldaýdy qamtityn úsh ailyq taǵylymdamadan ótti, dep habarlaidy "Ult aqparat".
«Qatysýshylar Nur-Sultan, Almaty qalalary jáne Qaraǵandy oblysyndaǵy kásiporyndar, úkimettik emes uiymdar jáne memlekettik organdarǵa jiberildi. Jastar jańa kásip igerý, tájiribe jinaqtaý múmkindigine ie bolyp, oǵan qosa ai saiyn 60 000 teńge kóleminde shákirtaqy alyp otyrdy. Úsh ai aralyǵynda jumys berýshiler olardy baiqap kórip, úzdikterine taǵylymdamadan soń eńbek kelisimsharttaryn usyndy», delingen baspasóz baianynda.
Aita keterligi, taǵylymdamadan ótýshilerdiń basym bóligi (84 adam) – áielder eken. Qazaqstanda ataýly áleýmettik kómek alýshylardyń 90% astamy da áielder ekeni málim.
«Qazaqstanda, búkil álemde siiaqty, COVID-19 pandemiiasynyń eleýli áleýmettik-ekonomikalyq zardaptary baiqalady, bul ásirese áleýmettik az qorǵalǵan halyqqa aýyr áser etýde. BUU DB bastamasy ekonomikalyq belsendiliktiń báseńdeýi jáne jalpy eńbek naryǵyndaǵy belgisizdik jaǵdaiynda áleýmettik osal toptaǵy jastardyń ekonomikalyq múmkindikterin keńeitý men kásibi biliktilikterin damytýǵa úles qosýǵa baǵyttalǵan», - dep atap ótti Qazaqstandaǵy BUU DB Turaqty ókili Iakýp Berish.
Jobaǵa áleýmettik osal topqa kiretin jastarymen jumys isteýge arnaiy oqytylǵan 25 tálimger jumyldyryldy. Tálimgerler qatysýshylarmen turaqty túrde toptyq jáne jeke kezdesýler, maqsat qoiý, ózin-ózi uiymdastyrý, komandada jumys isteý jáne taim-menedjment negizderi boiynsha treningter ótkizdi. Koronavirýs infektsiiasynyń taralýyna bailanysty virýsqa qarsy sharalardy saqtaý jáne qashyqtan tiimdi jumys isteý taqyryptary da ózekti boldy.
Bul bastama - BUU Damý Baǵdarlamasynyń jastardy jumyspen qamtý boiynsha Qazaqstandaǵy keń kólemdi strategiiasynyń bir bóligi, qaita daiarlaý jáne kásibi biliktiliktilikti arttyrý, sonymen qatar eńbekke qajet kásipkerlik mashyqty, senimdilik pen ornyqtylyqty nyǵaitý arqyly jumysqa ornalastyrýda qoldaý kórsetýge baǵyttalǵan.
