QR BǴM «Daryn» respýblikalyq ǵylymi-praktikalyq ortalyǵynyń direktory Kamila Basharova pán olimpiadalary men ǵylymi jobalar baiqaýyn ótkizýdegi ózgerister týraly aityp berdi, dep habarlaidy QazAqparat.
Direktordyń aitýynsha, oqýshylar arasyndaǵy olimpiadalar qorytyndysy boiynsha ár pánnen «2019 jylǵy Qazaqstannyń úzdik 100 olimpiadalyq mektebi» resmi reitingisi qurylǵan.
«Respýblikalyq ǵylymi jobalar baiqaýy men olimpiadalarda birinshi jáne ekinshi týr jáne ádil qazy alqasynyń jumystardy tekserýi, upai men júldeli oryndardy bólýi onlain transliatsiialandy. Qazir olimpiadanyń barlyq mekteptik, aýdandyq, oblystyq kezeńderin dál osyndai ádildikpen qamtamasyz etý mehanizmderi ázirlenip jatyr», - dedi K. Basharova.
Sonymen birge, ol respýblikalyq ǵylymi jobalar baiqaýyn ótkizý erejesine ózgeris engiziletinin habarlady.
«Biylǵy oqý jylynda Qazaqstannyń qurama komandalarynyń basshylaryn anyqtaýda balalardy olimpiadaǵa daiyndap júrgen burynǵy halyqaralyq olimpiada qatysýshylaryna basymdyq berildi. Qazaqstan qurama komandasynyń qatysýshylaryn irikteý ustanymdary jáne olimpiada men oqý-jattyǵý jiyndarynyń reitingteri boiynsha qurylýy standarttaldy», - dep atap ótti K. Basharova.
Odan bólek, aqyly oiyndar men konkýrstardy, olimpiadalardy alyp tastap, ornyna tegin internet-olimpiadalardy engizý jumystary bastaldy.
«Muǵalimderge arnalǵan aqyly konkýrstar men ózge de sharalardy uiymdastyrýǵa túbegeili tyiym salyndy. Olar tek «Daryn» RǴPO nemese jiberýshi tarap esebinen ǵana ótýi tiis. Respýblikalyq jasóspirimder olimpiadasyn uiymdastyrý men ótkizý deńgeii aitarlyqtai kóterildi», - dedi ol.
Ortalyq basshysynyń habarlaýynsha, daryndy balalardy tabý men qoldaý kórsetý ortalyqtarynyń tujyrymdamasy qurylady. Sáikesinshe, talanttardy tabý, oqytý, damytý jáne qoldaý kórsetýge barynsha yńǵaily jaǵdai jasalady jáne árbir ata-ana balalarynyń qabiletin teksertip, usynymdar ala alady.
«Mundai ortalyqtardy óńirlerdegi «Daryn» ortalyqtarynyń bazasynda qurý josparlanǵan. Olardy qarjylandyrý mehanizmderi jasalyp jatyr. Aýyldar men kishi qalalardaǵy oqýshylar úshin bólek ulttyq ziiatkerlik týrnir ótkizý usynyldy. Bul bastamany Tuńǵysh Prezident qory qoldady jáne «El úmiti» jobasy aiasynda tolyq baiandalady», - dep atap ótti Kamila Basharova.
Spikerdiń aitýynsha, elimizdiń talantty jastary úzdik trenerlermen olimpiadaǵa jyl boiy júieli ári sapaly daiyndalýy úshin tegin turaqty onlain-mektep ashý josparlanyp otyr.
Buǵan deiin «Daryn» respýblikalyq ǵylymi-praktikalyq ortalyǵynyń «Bilim berý mazmunyn jańartý jaǵdaiynda pedagogtyń úzdiksiz kásibi damýy» taqyrybyndaǵy tamyz pedagogikalyq keńesin alǵash ret online rejimde ótkizgeni habarlanǵan edi. Bul keńestiń maqsaty - bilim mazmunyn jańartý jaǵdaiynda mamandandyrylǵan mektepterde sapaly bilim berýdi qamtamasyz etý.
