- Pákistannyń Gýjrat qalasynda viza tártibin buzǵany úshin eki qazaqstandyq ustaldy, dep habarlaidy Dawn.
Olar «Tablig Markazy» (Qazaqstanda tyiym salynǵan «Tabliǵi jamaǵat» radikaldy dini qozǵalysy jaqtaýshylarynyń oqý ǵimaraty) seminariiasynda bilim alǵan.
BAQ málimetteri boiynsha, «Tablig markazy» seminariiasynda zańsyz turǵan Aziia jáne Afrika elderinen kelgen 24 sheteldik stýdent kóshi-qon qyzmetinen eskertý alǵan soń Gýjrat túrmesine jiberildi.
Gýjrat politsiiasynyń ókili Mehar Atiktiń aitýynsha, birneshe stýdenttiń viza merzimi 2015 jyldyń jeltoqsan aiynda aiaqtalǵan, al keibiri qandai da bir vizasyz turyp kelgen.
Ustalǵan stýdentterdiń bir bóligi ózderiniń elde bolýyn negizdeitin quqyqtyq qujat kórsete almaǵan. Sáikesinshe sheteldikter týraly zańdy buzdy dep tanyldy.
Mehar Atiktiń habarlaýynsha, politsiia quqyq buzýshy stýdentterdi tutqyndaý týraly ótinim jazdy. Gýjrat soty ótinimdi qanaǵattandyryp, mán-jai anyqtalǵansha olardy ýaqytsha qamaý týraly sheshim shyǵardy.
Eki qazaqstandyqtan basqa Pákistanda Sýdannyń 6 azamaty, Qytaidyń - 5, Indoneziianyń - 4, Tailandtyń - 2, Filippinniń - 2 jáne Mailaiziianyń bir azamaty ustaldy, dep jazdy BAQ.
Aita keteiik, Qazaqstanda «Tabliǵi jamaǵat» ekstremistik uiym dep tanylǵan jáne el aýmaǵynda onyń qyzmetine tyiym salynǵan.
Frantsýzdyq basylymnyń baǵalaýynsha, islamshy ekstremisterdiń 80 paiyzǵa jýyǵy bul uiymnyń qatarynan shyqqan. «Tabliǵi jamaǵatqa» jabyqtyq tán. Uiymnyń ortalyqtary Úndistanda, Pákistan men Bangladeshte ornalasqan. Al onyń baǵdarlamasy men maqsaty qozǵalys kóshbasshylarynyń shaǵyn ortasyna ǵana belgili.
Atalmysh Uiym jaqtastarynyń qataryna ótkennen keiin jańa múshege ózi turatyn jerde, odan ári ózge geografiialyq jerlerde birneshe ýaǵyz-nasihat júrgizý usynylady. Budan keiin jańa múshege Pákistanda oqý ornynda dini bilim alý usynylady. Kýrsty aiaqtaǵannan keiin tyńdaýshylar jabyq oqý oryndarynda odan ári bilimderin jalǵastyrady.
QazAqparat
