Foto: Aqorda
Memleket basshysyn Pákistan Premer-ministri Shahbaz Sharif kútip aldy, dep habarlaidy Ult.kz.
Qazaqstan Prezidenti men Pákistan Premer-ministri sýretke túsken soń eki eldiń memlekettik ánurandary oryndaldy. Sodan keiin Qurmet qaraýylynyń bastyǵy raport berdi.
Qasym-Jomart Toqaev pen Shahbaz Sharif bir-birine resmi delegatsiia múshelerin tanystyrdy.
Osydan keiin memleket basshysy Qasym-Jomart Toqaev pen Premer-ministr Shahbaz Sharif shaǵyn quramda kelissóz júrgizdi.
Taraptar sońǵy jyldary Qazaqstan men Pákistan arasynda kópjosparly yntymaqtastyq qarqyndy damyp kele jatqanyn atap ótti. Sondai-aq saiasi, saýda-ekonomikalyq, investitsiialyq jáne mádeni-gýmanitarlyq yqpaldastyqty nyǵaitýdyń perspektivti baǵyttaryn talqylady.
Kezdesý barysynda saýda, kólik-logistika, energetika, aýyl sharýashylyǵy, tsifrlandyrý, ǵarysh jáne qarjy salalaryndaǵy qarym-qatynasty tereńdetý máselesine basa nazar aýdaryldy.
Qasym-Jomart Toqaev pen Shahbaz Sharif óńirlik jáne halyqaralyq kún tártibiniń ózekti máseleleri jóninde pikir almasty.
