Pákistan biligi Qytaida jasalǵan koronavirýsqa qarsy vakinany adamdarǵa synap kórýdi maquldady.
Memlekettik densaýlyq saqtaý ulttyq institýtynyń habarlaýynsha, Pákistannyń dári-dármek qadaǵalaý basqarmasy qytailyq ǵalymdar men Pekin biotehnologiia instýty birigip jasaǵan CanSinoBio vaktsinasyn keńinen synaqtan ótkizýge ruqsat bergen.
Institýt sońǵy kezeńge taiaǵan vaktsinany elde alǵash ret klinikalyq synaqtan ótkizetinin málimdedi. Institýt mamandarynyń sózine qaraǵanda Pákistan osylaisha ekpeni elge jetkizý jáne baǵasy boiynsha da birqatar artyqshylyqqa ie bolmaq.
Koronavirýsqa qarsy vaktsina Qytai, Resei, Chili, Argentinada synaqtyń sońǵy kezeńinen ótip jatyr. Meksika jáne Saýd Arabiiasy klinikalyq synaqqa qosylýdy josparlap otyr.
Resmi málimet boiynsha, Pákistanda 290 myń adamǵa koronavirýs juqqan, 6 myńnan astam adam Covid-ten qaitys bolǵan.
