Foto: © Jetisý oblystyq tótenshe jaǵdailar departamenti
Tekeli qalasynda 8 jasar bala besinshi qabattyń terezesinen qulap, aman qaldy, dep habarlaidy "Ult aqparat" Jetisý oblystyq tótenshe jaǵdailar deparatmentine silteme jasap.
Oqiǵa 25 sáýirde saǵat 12.20-da bolǵan. Úide eresekterdiń qaraýynsyz qalǵan 2015 jyly týǵan bala polietilen paketin parashiýt retinde paidalanyp, besinshi qabattyń terezesinen sekirgen.
"Qazirgi ýaqytta balanyń jaǵdaiy turaqty. Ol Taldyqorǵan qalasyndaǵy oblystyq aýrýhanaǵa arqasy kógergen, kishkentai jaryqshaq diagnozymen jatqyzyldy", - delingen habarlamada.
Belgili bolǵandai, balanyń jerge soǵylýyn aǵash butaqtary jeńildetken.
Tótenshe jaǵdailar deparatmenti balalardy qaraýsyz qaldyrmaýǵa, terezege arnaiy qorǵanys qurylǵylaryn ornatýǵa keńes beredi.
