Qonaev qalalyq soty 8 myńnan astam salymshydan 21 milliard teńgeden asa qarajat jinaǵan Amanat Drive qarjy piramidasynyń uiymdastyrýshylaryna úkim shyǵardy, dep habarlaidy ult.kz.
QMA málimetinshe, olar azamattarǵa jyljymaityn múlik pen avtokólikterdi paiyzsyz jáne bólip tóleý arqyly satyp alýdy usynǵan.
Basty aiyptalýshy Shúken K.K. 8 jylǵa, Úrátbek M.S. 1 jylǵa bas bostandyǵynan aiyryldy.
Tergeý barysynda 1,8 milliard teńgeden astam qarajattyń jalǵan kelisimsharttar arqyly shyǵarylyp, qolma-qol aqshaǵa ainaldyrylǵany anyqtalǵan.
Sottalǵandar salymshylardyń aqshasyna eki páter men úsh Lexus satyp alǵan. Sot múlikti tárkilep, memleket paidasyna ótkizý týraly sheshim shyǵardy.
Úkim zańdy kúshine engen joq.
