Eń ozyq qoljetimdi tehnologiialar (EQT) qaǵidattaryna kóshken kásiporyndar emissiia tóleminen tolyq bosatylady.
Bul týraly «Halyqaralyq jasyl tehnologiialar jáne investitsiialyq jobalar ortalyǵy» KEAQ EQT biýrosynyń bas sarapshysy Serik Nurkenov aityp berdi, dep habarlaidy QazAqparat.
Jasyl ekonomika jáne eń ozyq qoljetimdi tehnologiialar qaǵidattaryna kóshý máseleleri jónindegi halyqaralyq konferentsiia barysynda EQT qaǵidattaryna kóshý protsesi sózsiz bolady. Bul óte mańyzdy aspekt jáne mańyzdy reformalardyń biri. Jańa Ekologiialyq kodekste jasyl tehnologiia lastaýshy zattardy azaitýǵa baǵyttalǵan ekologiialyq taza tiimdi tehnologiia retinde belgilengen. Ónerkásiptiń eń ozyq qoljetimdi tehnologiialar qaǵidattaryna kóshýi Kodeks tarmaqtarynyń biri bolyp sanalady», - dedi S. Nurkenov.
Qazirgi ýaqytta EQT biýrosy kásiporyndardyń qazirgi jai-kúiin baǵalaý jumystaryn júrgizýde.
«Bizge kásiporyndardyń tehnologiialyq jaǵdaiy qai kezeńde ekenin, olardyń EQT qaǵidattaryna kóshýge daiyndyq deńgeiin bilý mańyzdy. Bul jumys úshin halyqaralyq tanymal sarapshylardy shaqyrdyq. Atqarylǵan jumys qorytyndysy boiynsha salalyq esep ázirlenedi, ol EQT qaǵidattaryna kóshý jónindegi anyqtamalyq ázirleýge negiz bolady. EQT biýrosy kelesi 2021 jylǵa arnalǵan anyqtamalyq ázirleýge kirisedi, ony 2023 jyly aiaqtaidy. 2024 jyly kásiporyndar keshendi ekologiialyq ruqsat alý úshin óz qujattaryn daiyndai alady. 2025 jyldan bastap birinshi sanattaǵy nysandar keshendi ekologiialyq ruqsat alýy tiis. EQT qaǵidattaryna kóshken kásiporyndar emissiia tóleminen tolyq bosatylady», - dep túsindirdi Serik Nurkenov.
Bul qarajatty kásiporyndar óz óndiristerin, jabdyqtaryn jańǵyrtýǵa jáne jaqsartýǵa jumsai alady.
Spikerdiń aitýynsha, bul jazalaý mehanizmi emes, kerisinshe, kásiporynnyń tiimdilik baǵdarlamasyn jaqsartýdyń yntalandyratyn ádisi. Iaǵni, EQT-ǵa kóshý – ekonomika men tabiǵat arasyndaǵy teńgerim. Kásiporyndar óz tájiribelerin jaqsarta otyryp, qorshaǵan ortaǵa antropogendi áserdi edáýir tómendetedi, bul eń jaqsy kórsetkishterge qol jetkizýge múmkindik beredi.
«Statistika komitetiniń málimetinshe, Qazaqstanda birinshi sanatqa kiretin 2,5 myńǵa jýyq kásiporyn bar. Bul negizinen munai óńdeý, munai óndirý salasy, jylý jáne elektr energiiasyn óndirý, taý-ken metallýrgiia salasy, qara jáne tústi metallýrgiia. Ekologiialyq retteý komiteti 97 kásiporynnyń tizimin bekitti, olardyń 50-i mindetti kóshpeli tekserýge jatatyn iri, birinshi sanattaǵy nysandarǵa jatady. Olardyń úlesine lastanýdyń 80%-y tiesili. Qalǵan 47 kásiporyn kameralyq jolmen tekseriletin bolady», - deidi spiker.
Eger kásiporyndar EQT qaǵidattaryna kóshpese, memleket olardyń baǵdarlamalaryn jaqsartý boiynsha shara qabyldaidy.
S. Nurkenovtyń aitýynsha, EQT biýrosy kelesi jyldan bastap Atyraý, Temirtaý, Óskemen, Pavlodar siiaqty iri qalalarda halyqaralyq sarapshylardyń qatysýymen kóshpeli zertteýler júrgizýdi josparlap otyr.
