Sarapshylar qoǵamdastyǵy men ǵylymi-zertteý qurylymdarynyń ókilderi «Rýhani jańǵyrý» qazaqstandyq qoǵamdyq saiasi institýtynda dóńgelek ústel ótkizip, Prezident Joldaýynyń negizgi oilaryn talqylady.
«Usynylǵan barlyq bastamalar ult básekelestiginiń negizgi faktory retinde qazaqstandyqtardyń jańa mentaldylyq beinesin qalyptastyrýǵa septigin tigizedi», – dedi dóńgelek ústelde alǵashqy sózdi alǵan «Rýhani jańǵyrý» QQDI basqarmasynyń tóraǵasy Daniiar Esin.
Onyń aitýynsha, búgingi tańda halyqtyń áleýmettik jaǵdaiyn jaqsartýǵa baǵyttalǵan sheshimder mindetti túrde oń nátije berýi tiis.
«Qazirgi jaǵdaida halyqtyń jumysbastylyǵy men tabys kózderin saqtaý – azamattardyń áleýmettik jaǵdaiyn jaqsartýǵa jasalatyn basty qadamdardyń biri bolyp otyr. Sondai-aq Ulttyń jańa beinesin qalyptastyryp, bolashaǵymyzdy qurý máselesi de óte ózekti bolyp otyr. Ózińdi ózgertpei ómirdiń jańa jaǵdaiyna beiimdelý múmkin emes. Mine, Memleket basshysynyń halyqqa joldaǵan basty úndeýi - osy», - dep Daniiar Esin óz oiyn qorytyndylady.
QR Prezidenti janyndaǵy UQSK múshesi, QR Prezidenti janyndaǵy Adam quqyqtary jónindegi komissiia múshesi, zań ǵylymdarynyń doktory Marat Báshimov Memleket basshysy 1,5 saǵat ishinde qoǵamnyń barlyq ózekti máselelerin qozǵap, elimizdiń damýynyń basty baǵyttaryn atap ótkendigin aitty.
«Zańger retinde maǵan Prezidenttiń quqyqtyq blokqa erekshe nazar aýdarǵany unady. Máselen, qylmystyq salany modernizatsiialaý, azamattardyń quqyqtaryn halyqaralyq joǵary talaptarǵa sáikes qorǵaý, quqyq qorǵaý salasy men sot júiesine reforma jasaý, sot mamandaryn irikteý, ýchaskelik qyzmetkerlerdiń mártebesin kóterý, jemqorlyqqa tótep berý, ákimderdi sailaý syndy máselelerdiń barlyǵy búgingi tańda óte aktýaldy. Sondyqtan, Memleket basshysynyń osy máselelerge ózgerister engizý týraly oilaryn qýana quptadym», - dedi Marat Báshimov.
Óz kezeginde zań ǵylymdarynyń kandidaty, «Turan-Astana» ýniversitetiniń ǵylym jáne syrtqy bailanystar jónindegi prorektory Álimjan Bekmaǵambetov te Joldaýda ǵylym men adam quqyqtaryna erekshe nazar aýdarǵanyna kóńili tolatynyn jasyrmady.
«Prezidenttiń Joldaýy kezinde ár adam óziniń jeke sharýasyna nemese kásibi qyzmetine qatysty aspektilerge nazar aýdaratyny ras qoi. Osy oraida Memleket basshysy «Jas ǵalym» jobasyna 1000 grant (stipendiia) bólinetindigin jáne otandyq 500 ǵalymnyń álemdegi úzdik ǵylymi ortalyqtarynda óndiristik tájiribeden ótý múmkindigi bolatyndyǵyn aitty. Iaǵni, buryn ǵylymi qoǵamdastyqtyń ókilderi árdaiym ártúrli jobalar men zertteýlerge qarjy bólý týraly máseleni kóterip kelgen bolsa, qazir qoldaý sharalary durys júiege qoiylǵandyǵyn kórsetedi», - dedi Álimjan Bekmaǵambetov.
Sonymen qatar, PhD doktory, politolog Jaqsylyq Sábitov JOO-lar men mektepterdegi muǵalimder quramynyń biliktiligin jetildirý týraly másele kóterip, «Memleket basshysynyń Joldaýynda aitylǵandai, ekonomikamyzdyń damyǵanyn qalasaq, onda Ǵylymi-zertteý jáne tájiribelik-konstrýktorlyq jumystarǵa kóńil bólýimiz kerek», - dedi. Al M.S. Nárikbaev atyndaǵy KazGIýÝ ýniversiteti mýzeiiniń direktory Izat Medeshova Joldaýdaǵy tapsyrmalardyń oryndalýy barsha qazaqstandyqtarǵa ortaq jaýapkershilik ekendigin aitty.
«Prezident qazaq jeriniń qandai jaǵdaida bolmasyn eshqashan sheteldikterge satylmaityndyǵyn aitty. Munyń astarynda úlken mán bar. Jalpy, Joldaýdyń oryndalýy tek Memleket basshysyna ǵana emes, barlyq qazaqstandyqtarǵa bailanysty. Osy oraida biz óz kezegimizde Prezidenttiń ekotýrizm máselelerindegi bastamalaryn qoldaýymyz kerek. Sondai-aq pandemiia kóptegen basqa da qundylyqtardy qalyptastyryp jatyr. Sonyń ishinde elimizdegi otbasylyq-demografiialyq jaǵdai, azamattardyń kózqarastarynyń ózgerýi syndy keleli máseleler de nazar aýdartpai qoimaidy», - dedi Izat Medeshova.
Jalpy, dóńgelek ústelge ǵylymi jáne shyǵarmashylyq ziialy qaýym ókilderi, tanymal qoǵam qairatkerleri, qoǵamdyq jáne memlekettik emes uiymdardyń ókilderi bar – barlyǵy 13 sarapshy qatysty.
Prezidenttiń halyqqa arnaǵan Joldaýynda aitqanyndai, «Aldymyzda aýqymdy ári kúrdeli mindetter tur. Solardy tabysty júzege asyrý úshin tyń tásil, jańasha oilaý, jalpyulttyq yntymaq jáne ózara qoldaý qajet. Daǵdarys jaǵdaiynda atqarylatyn is-sharalardyń jemisti júzege asýy árqaisymyzǵa bailanysty».
«Rýhani jańǵyrý» QQDI sarapshylary jáne dóńgelek ústelge qatysýshylar Prezidenttiń bul tezisimen kelisedi. Aldaǵy ýaqytta Memleket basshysy Joldaýynyń júzege asýyna belsendi túrde qatysyp, ár baǵyttar boiynsha jasalatyn jumystardy qoldaidy.
