Almaty oblysyndaǵy Talǵar aýdanynyń turǵyny halyqtan keshirim surady, dep habarlaidy "Ult aqparat".
«Men - Nurbol Karimov, Talǵar aýdanynyń turǵyny barsha qazaqstandyqtardan ózge tanymal tulǵalardyń atyn jamylyp, sybailas jemqorlyqqa qarsy qyzmettiń ókilimin degenim úshin keshirim suraimyn. Óz kinámdy moiyndaimyn jáne bolǵan jaitqa qatty ókinemin», - deidi beinejazba arqyly keshirim suraǵan azamat.
Sybailas jemqorlyqqa qarsy is-qimyl agenttiginiń baspasóz qyzmeti bul azamattyń esh ýaqytta agenttikte istemegenin jáne oǵan qatysty qylmystyq is qozǵalǵanyn málimdegen bolatyn.
«Áleýmettik jelilerde QR Sybailas jemqorlyqqa qarsy is-qimyl agenttiginiń jalǵan qyzmetkerimen taralyp jatqan video faktisi boiynsha kelesini habarlaimyz. Atalǵan azamat eshqashan Antikor qyzmetkeri bolǵan emes jáne qazir de qyzmet atqarmaidy. Aǵymdaǵy jyldyń 2 maýsymynda Shymkent qalasynda bul azamattyń kim ekeni anyqtaldy. Qazirgi ýaqytta oǵan qatysty Qylmystyq kodekstiń 385-babynyń 3-bóligi (qujattardy qoldan jasaý) boiynsha qylmystyq is qozǵaldy» delingen vedomstvonyń habarlamasynda.
Aita keteiik, buǵan deiin áleýmettik jelide jol patrýl politsiia qyzmetkerlerine ózin antikor qyzmetkerimen dep tanystyrǵan azamattyń videosy jariialanǵan bolatyn.
Artynsha qujattyń jalǵan ekeni anyqtaldy. Biraq jalǵan qujatty jas jigittiń qaidan alǵany belgisiz.
