Shyǵys Qazaqstan oblysynyń ákimi Danial Ahmetov ózge ult oqýshylarynyń qazaq tilin bilýine mán berý kerektigi týraly aitty, dep habarlaidy "Ult aqparat".
«Óńirimizdegi ózge ult oqýshylarynyń memlekettik tildi bilýi úshin talai sharalar qolǵa alynýda. Alaida osyǵan deiin qazaq tilin oqytý ádistemesi tym aýyr bolǵany ras. Sonyń saldarynan oqýshylardyń kóbisi tildi durys úirene almai qaldy. Osyǵan orai biz oqytý ádistemesin ózgertip, barynsha jeńildettik», – deidi aimaq basshysy qoǵamdyq keńes aldyndaǵy esep berýi kezinde.
Nátijesinde búginde ózge ult oqýshylarynyń qazaq tiline degen qyzyǵýshylyǵy ósken. Til úiretetin muǵalimder de biliktilik arttyrýda.
Danial Ahmetovtyń aitýynsha, bul maqsattaǵy jumystar aldaǵy ýaqytta da jalǵasyn tappaq.
