Ózbekstannyń Reseidegi elshiligi shetelde erikti batalon quryp, bóten aýmaqta soǵysqa qatysqan azamattary qylmystyq jaýapkershilikke tartylatynyn málimdedi, dep habarlaidy Azattyq.
Ózbekstan elshiligi resmi saitynda shetelde júrip, soǵysqa qatysqan ózbek azamattary 10 jylǵa deiin bas bostandyǵynan aiyrylýy múmkin ekenin eskertti.
Sonymen birge elshilik migranttardy "eshqandai arandatý áreketterine ermei, saq bolýǵa" shaqyrdy.
Ózbekstannyń eńbek kóshi-qon jónindegi agenttigi de shetelde júrgen azamattaryn ártúrli erikti áskeri toptarǵa qosylmaýǵa shaqyrǵan.
Eldiń resmi ókilderiniń mundai málimdeme taratýyna “Perm aimaǵyndaǵy Ortalyq Aziia ózbekteri qoǵamy" lideri Jahongir Jalolovtyń Ýkrainadaǵy soǵysqa qatysý úshin Temirlan atyndaǵy batalon qurýdy usynǵan málimdemesi sebep bolyp otyr. Onyń video úndeýin Vetta telekanaly jariialady.
"Bizdiń balalar balabaqshaǵa barady, mektepterde jáne ýniversitetterde bilim alady. Biz Reseide turyp, jumys istep jatyrmyz. Biz jegen nandy aqtaýǵa mindettimiz. Erikti batalon quryp, ony Ámir Temir [Temirlan] dep ataýdy suraimyn" degen úndeýinde Jalolov.
