Máskeý turǵyny Irina Fesenko Facebook jelisindegi paraqshasynda Máskeýde jumys isteitin ózbekstandyqtyń meiirimdi isine tánti bolǵany jaily aityp berdi.
Irina Fesenkonyń aitýynsha, ol balalar emhanalaryna kómek kórsetedi eken. Sol kúni Irina Fesenko Jańa jylǵa balalarǵa abhaz mandarinderin satyp alý úshin bazarǵa kelgen.
"Tońyp, úige qatty asyǵyp turdym. Jańa jyl da kelip qaldy. Al men balalarǵa mandarin de almadym. Máskeýdegi balalar emhanasyna mandarin alý kerek bolatyn. Sodan men FýdSiti jaqqa kettim. Mine, osy jaqta apelsinder, mandarinder jáne qurma da bar.
FýdSitige kele salysymen, abhaz mandarinin tabamyn degen úmitpen júrdim. Túrik, serb mandarinderi tur eken. Sodan Abhaziia degen jazýdy kórip qaldym. Dámin tatyp kórdim, biraq ol men izdegen mandarin emes. Biraq sońynda úsh jáshik serb mandarinin satyp aldym. Endi shyǵaiyn dep jatqanda ózbek qaýyndaryn kórip qaldym. Satýshy qaýyndy ólshep jatyp, sonsha mandarinniń kimge ekenin surady. Sodan men oǵan munyń barlyǵy balalar úiine ekenin aityp túsindire bastadym.
Muny estigen ol bir jáshik qurmany berip, "Qurmany alyńyz, balalarǵa men berip jiberdi dep aityńyz" dedi. Men ne isterimdi bilmei qaldym, alaiyn ba, almaiyn ba... Sodan ol menen "Ol balalardyń analary joq pa?" dep surady. Men oǵan balalardyń analary bar ekenin, biraq olardyń emdelmeitin aýrýmen aýyratynyn jáne aýrýhanada jatqandaryn aittym. Ony estigen ózbekstandyq jigit bir jáshik qyzanaq berip, "bul da balalarǵa" dedi. Qajet emes, olarǵa bolmaityn shyǵar (biraq rasynda oǵan qalai alǵysymdy bildirerimdi bilmedim).
Sodan kólikke qarai kettik, artymda satýshy jigit arbamen syilyqtardy ákele jatyr. Nege ekenin bilmeimin, kózimnen jas shyǵa bastady. Iá, bizdiń dinimiz basqa. Sonda da bizdiń árqaisymyzda raqymshylyq pen qamqorlyq bar. Raqmet saǵat, Ýmar!", - dep jazdy Máskeý turǵyny.
Aita keteiik, Irina Fesenkonyń bul jazbasy birneshe kún ishinde myńdaǵan pikir jinap, ony birneshe adam bólisken. Jeli qoldanýshylary jigittiń meiirimdi isine tánti bolyp, oǵan bar jaqsylyqty tilep jatyr.
