Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
U magazine

Ózbekstanda VIII ǵasyrdaǵy Quran kitabyn qalpyna keltirý jumystary aiaqtaldy

Ult portaly
Ózbekstanda VIII ǵasyrdaǵy Quran kitabyn qalpyna keltirý jumystary aiaqtaldy


Ózbekstanda VIII ǵasyrdyń sońynda jazylǵan kóne Quran kitaby restavratsiiadan keiin kópshilik nazaryna usynyldy. Bul týraly Ózbekstannyń Mádenieti men ónerin damytý qory Keńesiniń tóraǵa orynbasary Saida Mirziioeva Telegram-da jazdy, dep habarlaidy "Ult aqparat".

Ǵylymi zertteýlerge sáikes, Quran kitaby uzaq ýaqyt boiy Ózbekstannyń Qashqadariia oblysy Qamashin aýdanyndaǵy Langar ota meshitinde saqtalyp kelgen. Ol VIII ǵasyrdyń sońynda jazylǵan jáne islam álemindegi eń kóne qoljazbalardyń biri bolyp tabylady. 

Mádeniet jáne ónerdi damytý qory men Ózbekstan Musylmandary dini basqarmasy birlesip uiymdastyrǵan jobaǵa Frantsiianyń belgili Lývr mýzeiiniń mamandary jumyldyryldy. 

«Katta Longar Quranynyń paraqtary restavratsiiaǵa deiin óte qurǵaq jáne adyr-budyrly boldy. Óte kóp shań-tozań otyrǵan. Biz restavratsiia protsesin árbir paraqty tazartýdan bastadyq. Kitap qatty deformatsiiaǵa ushyraǵan», - dedi frantsýz mamany Aksel Delo.

2019 jyly bastalǵan qaita qalpyna keltirý jumystary úsh kezeńmen júrgizilgen. Aldymen, protsestiń jospary qurylǵan. Qurannyń jai-kúii týraly sipattama jazylyp, fotofiksatsiia jasalǵan. Qoljazbanyń betteri jeke-jeke alynǵan. Restavratsiianyń sońǵy kezeńinde kitap 15 aiǵa baspaq astyna ornalastyrylǵan. Keiin arnaiy qaptamaǵa salyndy. 

Saidy Mirziioevanyń pikirinshe, kóne kitap endi kóptegen ǵasyr boiy bútin adamzattyń rýhani bailyǵy bolady. 

Ózbekstan Musylmandary dini basqarmasynyń tóraǵasy Ýsmonhon Alimovtyń aitýynsha, álemde Kattalangar Quranynyń bir ǵana danasy bar. Kitap 206 betten turǵan bolýy múmkin. Saqtalǵany 97 bet qana. Ózbekstanda kieli qoljazbanyń 17 beti saqtaýly. 

Oqi otyryńyz