Ózbekstanda COVID-19 virýsyna qary ekpe salý naýqanynyń alǵashqy aiynda 800 myńǵa jýyq adamǵa ekpe salyndy, dep habarlaidy "Ult aqparat".
Ózbekstan respýblikasy Densaýlyq saqtaý ministrliginiń málimetine sáikes, 1 mamyrdaǵy jaǵdai boiynsha, elde 797 781 adamǵa ekpe salynǵan. Aimaqtar arasynda Ferǵana oblysy kósh bastap tur: onda 117 843 adamǵa vaktsina egildi. Odan keiin tizimde Namanǵan oblysy (84 874 adam), Ándijan oblysy (82 268 adam) jáne Samarqan oblysy (77 364 adam) tur.
Eske sala ketsek, Ózbekstanda vaktsinalaý naýqany 1 sáýirde bastalǵan. Turǵyndardy vaktsinalaýmen qamtý birtindep keńeitilýde: sáýirde iri qalalarda júrgizilse, mamyr aiynda aýdan ortalyqtary men iri qalalarda, al maýsymda – aýyldyq jerlerde jalǵasady.
Vaktsinalaý úsh preparat – eýropalyq AstraZeneca, qytai-ózbek taraptary birlesip shyǵarǵan ZF-UZ-VAC2001 jáne Reseidiń «Spýtnik-V» vaktsinasy arqyly jasalyp jatyrn. Úsh aidyń ishinde Ózbekstan 4 millionnan astam adamǵa ekpe salýdy josparlap otyr. Bul maqsatta elde vaktsinalaýdyń 3 138 pýnkti men 862 mobildi brigadasy quryldy.
