Delide (Úndistan) kúres túrlerinen ótip jatqan Aziia chempionatynda Ózbekstanda turatyn etnikalyq qazaq balýany Elmurat Tasmuratov besinshi márte Aziia chempiony atandy, dep habarlaidy "Ult aqparat".
Olamsport.com habarlaýynsha, atalǵan «Saryqurlyq» dodasynda grek-rim kúresinen 63 keli salmaqta synǵa túsken qandasymyz finalda Ońtústik Koreia ókili Djinsei Songty 9:0 esebimen jeńip, Aziia chempiony atandy. Ol osyǵan deiin tórt ret Aziia birinshiligin baǵyndyrǵan bolatyn. Mine, Delide taǵy da qarsylas shaq keltirmei, besinshi márte Aziia chempiony atandy.
Ol Ózbekstannyń Bostandyq aýdany Qyzyl Tý aýylynda dúniege kelgen. 1991 jyly týǵan Elmurat 13 jasynda elge oralyp, Bekzat Sattarhanov atyndaǵy mektep-internatta bilim alady. Kúreske ikemi bolǵanymen, qurama bapkerleri túrli syltaýlarmen ony shaqyrmaidy. Ulttyq quramanyń sapyna iline almaǵan Elmurat keiin Ózbekstanǵa qaita kóship ketken.
Aita keteiik, Delide ótip jatqan Aziia birinshiliginde grek-rim kúresinen Qazaqstan balýandary ázirge 4 medal jeńip aldy. Onyń bireýi - altyn, úsheýi - qola medal.
