Ózbekstanda «Spýtnik V» vaktsinasynyń birinshi partiiasy shyǵaryldy. Bul týraly «Ózbekstan 24» telearnasyna Ózbekstan Respýblikasynyń sanitarlyq-epidemiologiialyq salaýattylyq jáne qoǵamdyq densaýlyq qyzmetiniń basshysy Bahodir Iýsýpaliev aitty, dep habarlaidy QazAqparat.
«Spýtnik V» vaktsinasynyń birinshi partiiasy bótelkege quiyldy. Sapany baqylaýdy tekserý úshin ol Reseige Gamaleia atyndaǵy Epidemiologiia jáne mikrobiologiia ulttyq ǵylymi ortalyǵyna jiberildi. Bul – qajetti rásim, ol barlyq jerde ótkiziledi. Endi biz tekserýdiń nátijelerin kútemiz, sodan keiin respýblikamyzda tolyqqandy óndiristi júzege asyrýǵa bolady», - dedi B.Iýsýpaliev.
Ol vaktsinany Almalyq qalasyndaǵy «Jurabek Laboratories» farmatsevtikalyq kásiporny óndirgenin atap ótti. Birinshi kezeńde vaktsina úshin shikizat Reseiden jetkiziledi.
«Birinshi kezeńde vaktsina Reseiden jetkiziletin shikizattan jasalady dep josparlanýda. Alaida jańa zerthananyń qurylysy bastaldy, sonyń arqasynda Ózbekstanda osy preparatty óndirýdiń tolyq tsikli jolǵa qoiylady», - dep atap ótti SES basshysy.
Eske sala keteiik, Ózbekstanda egý kampaniiasy 1 sáýirde bastaldy.
Qazirgi ýaqytta vaktsinatsiia úsh preparatpen, atap aitsaq AstraZeneca eýropalyq vaktsinasymen, ZF-UZ-VAC2001 qytai-ózbek vaktsinasymen jáne reseilik «Spýtnik-V» vaktsinasymen júzege asyrylady.
Epidemiologiialyq jaǵdaidyń ýshyǵýyna bailanysty 17 shildede Koronavirýsqa qarsy is-qimyl jónindegi arnaiy komissiia saýda, qoǵamdyq tamaqtaný, qyzmet kórsetý jáne bilim salalarynda jumys isteitin 18 jastan asqan azamattardy, sondai-aq áskeri qyzmetshiler men quqyq qorǵaý organdarynyń qyzmetkerlerin mindetti túrde vaktsinalaý týraly sheshim qabyldady.
Qazirgi ýaqytta Ózbekstan Respýblikasynyń Parlamenti jumys isteitin halyqty mindetti túrde vaktsinalaý týraly zań jobasyn qarastyrýda.
