ٶزبەكستاندا «سپۋتنيك V» ۆاكتسيناسىنىڭ بٸرٸنشٸ پارتيياسى شىعارىلدى. بۇل تۋرالى «ٶزبەكستان 24» تەلەارناسىنا ٶزبەكستان رەسپۋبليكاسىنىڭ سانيتارلىق-ەپيدەميولوگييالىق سالاۋاتتىلىق جەنە قوعامدىق دەنساۋلىق قىزمەتٸنٸڭ باسشىسى باحودير يۋسۋپاليەۆ ايتتى, دەپ حابارلايدى قازاقپارات.
«سپۋتنيك V» ۆاكتسيناسىنىڭ بٸرٸنشٸ پارتيياسى بٶتەلكەگە قۇيىلدى. ساپانى باقىلاۋدى تەكسەرۋ ٷشٸن ول رەسەيگە گامالەيا اتىنداعى ەپيدەميولوگييا جەنە ميكروبيولوگييا ۇلتتىق عىلىمي ورتالىعىنا جٸبەرٸلدٸ. بۇل – قاجەتتٸ رەسٸم, ول بارلىق جەردە ٶتكٸزٸلەدٸ. ەندٸ بٸز تەكسەرۋدٸڭ نەتيجەلەرٸن كٷتەمٸز, سودان كەيٸن رەسپۋبليكامىزدا تولىققاندى ٶندٸرٸستٸ جٷزەگە اسىرۋعا بولادى», - دەدٸ ب.يۋسۋپاليەۆ.
ول ۆاكتسينانى المالىق قالاسىنداعى «Jurabek Laboratories» فارماتسەۆتيكالىق كەسٸپورنى ٶندٸرگەنٸن اتاپ ٶتتٸ. بٸرٸنشٸ كەزەڭدە ۆاكتسينا ٷشٸن شيكٸزات رەسەيدەن جەتكٸزٸلەدٸ.
«بٸرٸنشٸ كەزەڭدە ۆاكتسينا رەسەيدەن جەتكٸزٸلەتٸن شيكٸزاتتان جاسالادى دەپ جوسپارلانۋدا. الايدا جاڭا زەرتحانانىڭ قۇرىلىسى باستالدى, سونىڭ ارقاسىندا ٶزبەكستاندا وسى پرەپاراتتى ٶندٸرۋدٸڭ تولىق تسيكلٸ جولعا قويىلادى», - دەپ اتاپ ٶتتٸ سەس باسشىسى.
ەسكە سالا كەتەيٸك, ٶزبەكستاندا ەگۋ كامپانيياسى 1 سەۋٸردە باستالدى.
قازٸرگٸ ۋاقىتتا ۆاكتسيناتسييا ٷش پرەپاراتپەن, اتاپ ايتساق AstraZeneca ەۋروپالىق ۆاكتسيناسىمەن, ZF-UZ-VAC2001 قىتاي-ٶزبەك ۆاكتسيناسىمەن جەنە رەسەيلٸك «سپۋتنيك-V» ۆاكتسيناسىمەن جٷزەگە اسىرىلادى.
ەپيدەميولوگييالىق جاعدايدىڭ ۋشىعۋىنا بايلانىستى 17 شٸلدەدە كوروناۆيرۋسقا قارسى ٸس-قيمىل جٶنٸندەگٸ ارنايى كوميسسييا ساۋدا, قوعامدىق تاماقتانۋ, قىزمەت كٶرسەتۋ جەنە بٸلٸم سالالارىندا جۇمىس ٸستەيتٸن 18 جاستان اسقان ازاماتتاردى, سونداي-اق ەسكەري قىزمەتشٸلەر مەن قۇقىق قورعاۋ ورگاندارىنىڭ قىزمەتكەرلەرٸن مٸندەتتٸ تٷردە ۆاكتسينالاۋ تۋرالى شەشٸم قابىلدادى.
قازٸرگٸ ۋاقىتتا ٶزبەكستان رەسپۋبليكاسىنىڭ پارلامەنتٸ جۇمىس ٸستەيتٸن حالىقتى مٸندەتتٸ تٷردە ۆاكتسينالاۋ تۋرالى زاڭ جوباسىن قاراستىرۋدا.
