Ózbekstan óz aýmaǵynda sheteldikterdi tirkeý tártibin alyp tastaýdy josparlap otyr, dep habarlaidy QazAqparat.
Sonymen, SOVAZ memlekettik portalynda jariialanǵan (Ózbekstan Respýblikasynyń normalyq-quqyqtyq qujattaryn talqylaý) prezident jarlyǵyna sáikes, 2020 jyldyń 1 shildesinen bastap Ózbekstanǵa 30 kúnge deiingi merzimge kelgen sheteldik azamattar men azamattyǵy joq adamdardy tirkeý tártibi joiylady.
Sheteldikterdiń kelip-ketýin baqylaý memlekettik shekaradan ótken kezde mindetti sanalatyn týristik salyqtyń tólengenin tekserý jolymen júzege asyrylady. Osyǵan bailanysty, barlyq tekserý-ótkizý beketterinde valiýta aiyrbastaý jáne týristik salyqty tóleý úshin pýnktiler qurylady.
Esterińizge sala keteiik, qoldanystaǵy standarttarǵa sáikes, sheteldikter Ózbekstan shekarasynan ótken kúnnen bastap bes kún ishinde eldiń ishki ister organdarynda tirkeýden ótýi kerek.
Buǵan deiin Qazaqstanda da osyndai sharalar qabyldanǵan bolatyn. Sonymen, biylǵy qazan aiynda Qazaqstan Respýblikasynyń Prezidenti Qasym-Jomart Toqaev sheteldik azamattardy mindetti tirkeýdi alyp tastaý jóninde buiryq berdi. Qazaqstan Respýblikasy Prezidentiniń aitýynsha, sheteldik qonaqtardyń shekaralyq baqylaýdan ótýiniń ózi tirkeýge jatady.
