Samarqand oblysynyń Ishtihan aýdanynda jergilikti ákimdiktiń baspasóz qyzmetkeri "My5" telekanalynyń jýrnalisterine tiesili jady kartasyn shyǵaryp, shainap tastaǵan. Bul týraly jergilikti basylymdar habarlady.
14 maýsymda "My5" telekanalynyń qyzmetkerleri jergilikti diqan bazaryndaǵy órt týraly reportaj daiyndaý úshin barǵan. Reportaj daiyndaý kezinde aýdandyq ákimdiktiń ókili Ilhom Boboev olardyń kamerasyndaǵy jady kartasyn shyǵaryp alǵan. Bul oqiǵa sýretke túsip qalǵan.
"Ákimdiktiń baspasóz qyzmetkeri órt bolǵan jerdi túsirýge tosqaýyl qoiyp, másele sheshilgenin aitty. Biz máseleni emes, órttiń sebebin túsirýge kelgenimizdi aittyq. Biraq ol qarsylyq kórsetip, kameramyzdy tartyp alyp, onyń jady kartasyn shyǵaryp, aýzymen shainap tastady. Ári qarai kartany jutyp jiberdi me, laqtyryp jiberdi me, bilmeimiz. Onda óte mańyzdy málimetter bolǵan edi", - dedi telekanal tilshisi.
Samarqand oblystyq ákimdigi bul is boiynsha qyzmettik tergeý bastalǵanyn jetkizdi.
