Ózbekstan óz konstitýtsiiasyn jańartýǵa daiyndalyp jatyr, oǵan ólim jazasyn alyp tastaý jáne prezident ókilettigin uzartý týraly baptardy engizý usynyldy. Respýblika konstitýtsiiasyna ózgerister men tolyqtyrýlar engizý týraly zań jobasyn parlamenttik "Narodnoe slovo" gazeti jariialady, - dep habarlaidy Tengrinews.kz.
"Ózbekstan Respýblikasynda ólim jazasyna tyiym salynǵan", - delingen joba mátininde. Ózbekstan konstitýtsiiasynyń 24-babynda ómir súrý ár adamnyń ajyramas quqyǵy ekeni jáne ol zań júzinde qorǵalatyny jazylǵan.
Sonymen qatar, Ózbekstan prezidentiniń merzimin 7 jylǵa deiin uzartý usynyldy.
"90-baptyń ekinshi bóligindegi "bes" degen sóz "jeti" degen sózben aýystyrylsyn", - delingen qujat mátininde. Qoldanystaǵy Konstitýtsiiaǵa sáikes Ózbekstan prezidentin el turǵyndary jasyryn daýys berý arqyly bes jyl merzimge sailaidy.
Sondai-aq eldiń negizgi zańyna quqyq qorǵaý organdarynyń turǵyndardy qamaýda ustaý merzimin 48 saǵatpen shekteý týraly tarmaq engizý usynylyp otyr. Taǵy bir tarmaqqa sáikes, "ustaý kezinde adamǵa onyń quqyqtary men qamaýǵa alý negizderin túsinikti tilde aitylýy qajet".
4 shildege deiin Ózbekstanda jobany jalpyhalyqtyq talqylaý ótip, odan keiin el konstitýtsiiasyna ózgertýler engizý referendýmda sheshiledi.
