ٶزبەكستان ٶز كونستيتۋتسيياسىن جاڭارتۋعا دايىندالىپ جاتىر, وعان ٶلٸم جازاسىن الىپ تاستاۋ جەنە پرەزيدەنت ٶكٸلەتتٸگٸن ۇزارتۋ تۋرالى باپتاردى ەنگٸزۋ ۇسىنىلدى. رەسپۋبليكا كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن پارلامەنتتٸك "نارودنوە سلوۆو" گازەتٸ جارييالادى, - دەپ حابارلايدى Tengrinews.kz.
"ٶزبەكستان رەسپۋبليكاسىندا ٶلٸم جازاسىنا تىيىم سالىنعان", - دەلٸنگەن جوبا مەتٸنٸندە. ٶزبەكستان كونستيتۋتسيياسىنىڭ 24-بابىندا ٶمٸر سٷرۋ ەر ادامنىڭ اجىراماس قۇقىعى ەكەنٸ جەنە ول زاڭ جٷزٸندە قورعالاتىنى جازىلعان.
سونىمەن قاتار, ٶزبەكستان پرەزيدەنتٸنٸڭ مەرزٸمٸن 7 جىلعا دەيٸن ۇزارتۋ ۇسىنىلدى.
"90-باپتىڭ ەكٸنشٸ بٶلٸگٸندەگٸ "بەس" دەگەن سٶز "جەتٸ" دەگەن سٶزبەن اۋىستىرىلسىن", - دەلٸنگەن قۇجات مەتٸنٸندە. قولدانىستاعى كونستيتۋتسيياعا سەيكەس ٶزبەكستان پرەزيدەنتٸن ەل تۇرعىندارى جاسىرىن داۋىس بەرۋ ارقىلى بەس جىل مەرزٸمگە سايلايدى.
سونداي-اق ەلدٸڭ نەگٸزگٸ زاڭىنا قۇقىق قورعاۋ ورگاندارىنىڭ تۇرعىنداردى قاماۋدا ۇستاۋ مەرزٸمٸن 48 ساعاتپەن شەكتەۋ تۋرالى تارماق ەنگٸزۋ ۇسىنىلىپ وتىر. تاعى بٸر تارماققا سەيكەس, "ۇستاۋ كەزٸندە ادامعا ونىڭ قۇقىقتارى مەن قاماۋعا الۋ نەگٸزدەرٸن تٷسٸنٸكتٸ تٸلدە ايتىلۋى قاجەت".
4 شٸلدەگە دەيٸن ٶزبەكستاندا جوبانى جالپىحالىقتىق تالقىلاۋ ٶتٸپ, ودان كەيٸن ەل كونستيتۋتسيياسىنا ٶزگەرتۋلەر ەنگٸزۋ رەفەرەندۋمدا شەشٸلەدٸ.
