Ózbekstanda meiramhanada ózin eki ret býyndyrmaq bolǵan er adamǵa staqan laqtyrǵan arý bes jyldan segiz jylǵa deiin bas bostandyǵynan aiyrylýy múmkin, - dep habarlaidy NUR.KZ centralasia.media portalyna silteme jasap.
Jelide atalmysh oqiǵanyń videosy tarady. Videodan er adam men boijetkenniń sóilesip otyrǵanyn, bir sátte onyń qyzdy býyndyra bastaǵany baiqalady.
Ekinshi rette ol qyzǵa taǵy kúsh kórsetpek bolady, alaida boijetken toitarys berip, keiin stqandy betine laqtyryp ketip qalady.
Osy ýaqytta daiashylar men kúzetshi júgirip keledi.
Kóp uzamai qyzdyń ústinen Qylmystyq kodekstiń 104-baby, 2-bóligi (qarýdy nemese sýyq qarý retinde paidalanýǵa bolatyn zattardy qoldana otyryp, qasaqana aýyr dene jaraqatyn salý) boiynsha qylmystyq is qozǵalǵany belgili boldy.
Bul bap boiynsha aiyptalýshy bes jyldan segiz jylǵa deiin bas bostandyǵynan aiyrylýy múmkin.
Al boijetkenniń advokaty bul isti Qylmystyq kodekstiń 106-babyna (Psihikalyq tolqýlar jaǵdaiynda qasaqana aýyr nemese ortasha dene jaraqatyn keltirý) aýystyrýdy usynǵan.
Basylymnyń jazýynsha, boijetken bul azamatpen birneshe jyl qarym-qatynasta bolǵan. Ol qyzǵa psihologiialyq qysym kórsetken. Boijetken ketkisi kelgenimen, jigit qysym kórsetý arqyly qaitaryp alyp otyrǵan.
