ٶزبەكستاندا مەيرامحانادا ٶزٸن ەكٸ رەت بۋىندىرماق بولعان ەر ادامعا ستاقان لاقتىرعان ارۋ بەس جىلدان سەگٸز جىلعا دەيٸن باس بوستاندىعىنان ايىرىلۋى مٷمكٸن, - دەپ حابارلايدى NUR.KZ centralasia.media پورتالىنا سٸلتەمە جاساپ.
جەلٸدە اتالمىش وقيعانىڭ ۆيدەوسى تارادى. ۆيدەودان ەر ادام مەن بويجەتكەننٸڭ سٶيلەسٸپ وتىرعانىن, بٸر سەتتە ونىڭ قىزدى بۋىندىرا باستاعانى بايقالادى.
ەكٸنشٸ رەتتە ول قىزعا تاعى كٷش كٶرسەتپەك بولادى, الايدا بويجەتكەن تويتارىس بەرٸپ, كەيٸن ستقاندى بەتٸنە لاقتىرىپ كەتٸپ قالادى.
وسى ۋاقىتتا داياشىلار مەن كٷزەتشٸ جٷگٸرٸپ كەلەدٸ.
كٶپ ۇزاماي قىزدىڭ ٷستٸنەن قىلمىستىق كودەكستٸڭ 104-بابى, 2-بٶلٸگٸ (قارۋدى نەمەسە سۋىق قارۋ رەتٸندە پايدالانۋعا بولاتىن زاتتاردى قولدانا وتىرىپ, قاساقانا اۋىر دەنە جاراقاتىن سالۋ) بويىنشا قىلمىستىق ٸس قوزعالعانى بەلگٸلٸ بولدى.
بۇل باپ بويىنشا ايىپتالۋشى بەس جىلدان سەگٸز جىلعا دەيٸن باس بوستاندىعىنان ايىرىلۋى مٷمكٸن.
ال بويجەتكەننٸڭ ادۆوكاتى بۇل ٸستٸ قىلمىستىق كودەكستٸڭ 106-بابىنا (پسيحيكالىق تولقۋلار جاعدايىندا قاساقانا اۋىر نەمەسە ورتاشا دەنە جاراقاتىن كەلتٸرۋ) اۋىستىرۋدى ۇسىنعان.
باسىلىمنىڭ جازۋىنشا, بويجەتكەن بۇل ازاماتپەن بٸرنەشە جىل قارىم-قاتىناستا بولعان. ول قىزعا پسيحولوگييالىق قىسىم كٶرسەتكەن. بويجەتكەن كەتكٸسٸ كەلگەنٸمەن, جٸگٸت قىسىم كٶرسەتۋ ارقىلى قايتارىپ الىپ وتىرعان.
