Ózbekstanda biyl qazan aiynda ótetin prezident sailaýy – Shavkat Mirziiaev basynda turǵan saiasi toptyń kezekti kórsetilimi. Eldegi oppozitsiialyq "Erk" partiiasy 9 tamyzda osylai dep málimdedi.
Partiia lideri, tanymal aqyn Mýhammad Salihtyń aitýynsha, bul joly da "qýyrshaq-partiialar" Islam Karimovtiń tusyndaǵydai prezidenttikke óz úmitkerin usynady.
"Al partiialar diktator Karimovtiń kezindegidei daýystaryn Mirziiavqa beredi" dedi Salih.
"Erk" partiiasy 2019 jylǵy parlament sailaýyna jáne biylǵy prezident sailaýyna qatysýǵa áreket etti. Biraq eldiń ádilet ministrligi partiiany resmi tirkeýden bas tartyp, onyń múshelerin qýǵyndaǵan.
"Erk" partiiasy atynan prezident sailaýyna túsem dep málimdegen ánshi Jahongir Atajanov biyl maýsym aiynda úmitker bolýdan bas tartty.
2020 jyly qańtarda Ózbekstannyń ádilet ministrligi "Erk" partiiasyn tirkeýden bas tartyp, ólke aimaǵynda qyzmetin jalǵastyrýǵa ruqsat bermedi.
Ózbekstanda prezident sailaýy biyl 24 qazanda ótedi.
