Tashkent oblysyndaǵy Angren qalasynda militsiianyń bir qyzmetkeri óz-ózin atyp óltirdi. Ózbekstan IIM-niń baspasóz qyzmeti osylai dep habarlady.
Málimetke qaraǵanda, 27 maýsymda saǵat 13.00 shamasynda Angren militsiiasynyń bir qyzmetkeri ishki ister bólimi ǵimaratynyń tórtinshi qabatynda Makarov tapanshasymen óz-ózin atyp óltirgen. Er azamat oqiǵa ornyna qaza tapqan.
Ishki ister ministrliginiń málimeti boiynsha, 34 jastaǵy jigittiń ólimin ministrliktiń arnaiy toby men prokýratýra zertteidi. Is barysyn Ózbekstan ishki ister ministri Pýlat Bobodjonov jeke ózi baqylaidy.
Jergilikti aqparat quraldarynyń habarlaýynsha, marqumnyń baýyry inisine Akmal esimdi bir kisi qysym kórsetkenin aitqan.
