Ózbekstan prezident Shavkat Mirziioev el turǵyndaryn Qurban ait merekesin karantin sharalaryn saqtai otyryp otbasymen úilerinde qarsy alýǵa úndedi. Tiisti qaýlyǵa keshe respýblika basshysy qol qoidy, dep habarlaidy "Ult aqparat".
«Qaraqalpaqstan Respýblikasy Ministrler keńesi, oblys jáne Tashkent qalasynyń hokimiiattary Ózbekstan Respýblikasy Ministrler kabineti janyndaǵy Din isteri jónindegi komitet, Mahalli jáne otbasyn qoldaý ministrligimen birlesip, sondai-aq qoǵamdyq uiymdarǵa Qurban aitty bizdiń halqymyzdyń ulttyq jáne dini dástúrlerine sáikes jáne karantin talaptaryn saqtai otyryp, otbasylarymen ótkizý basymdyqtary týraly túsindirme jumysyn júrgizsin», - delingen qaýlyda.
Sondai-aq, qaýlyda demalys kúnderin 17 shilde, senbiden 21 shilde – sársenbige jáne 24 shilde, senbiden 22 shilde – beisenbige aýystyrý qarastyrylǵan. Osylaisha, ózbekstandyqtar Qurban aitta qatarynan úsh kún, iaǵni 20-22 shilde kúnderi demalady.
Eske sala ketsek, Ózbekstanda epidemiologiialyq jaǵdaidyń ýshyǵýy saldarynan 28 maýsymnan bastap karantin sharalary kúsheitilgen. Koronavirýsqa shaldyqqandar sanynyń kúrt ósýine bailanysty el astanasy men aimaqtarda qosymsha kovid-ortalyqtar ashylýda.
