Ózbekstanda koronavirýspen aýyrǵandar sany sońǵy kúnderde kúrt óse bastady, dep habarlaidy "Ult aqparat" eldiń densaýlyq saqtaý ministrliginiń baspasóz qyzmetine silteme jasap.
Ózbekstan Densaýlyq saqtaý ministrligi baspasóz qyzmetiniń Telegram-arnasy búgin jergilikti ýaqytpen 10:00-ge deiin (Nur-Sultan ýaqytymen 11:00) 139 adam indet juqtyrǵanyn rastady. Aýyrǵandardyń jalpy sany 44 myń 557-ge jetip otyr.
Sonyń 41 myń 898-i jazylyp shyqqan. Dál qazir elde 2 297 adam emdelip jatyr, olardyń 402-si aýyr jaǵdaida, taǵy 226-sy hal ústinde jatyr.
Ózbekstanda keshe kúni boiy 443 adamnyń virýs juqtyrǵany rastalǵan. Sonyń 132-si saǵat 10:00-ge deiin tirkelgen. Al 7 qyrkúiekte jalpy 312 jaǵdai tirkelgen, sonyń 112-si tańǵy onǵa deiin anyqtalǵan.
