Ózbekstanda sońǵy aptada koronavirýs infektsiiasyn juqtyrý oqiǵalary kúrt artty. Bul týraly «Ózbekstan 24» telearnasyna Ekinshi Zeńgiata mamandandyrylǵan juqpaly aýrýlar aýrýhanasynyń dárigerleri málim etti, dep habarlaidy "Ult aqparat".
«Naýqastardyń bizge qaralýy eki esege, al aýrýhanaǵa jatqyzylǵandar sany 1,5 esege artqanyn baiqap otyrmyz. Bizge kelgen naýqastardyń 13% aýyr jaǵdaida túsedi jáne reanimatsiialyq emdeýdi talap etedi. Jansaqtaý bólimsheleriniń negizgi kontingenti – aýrýdy aýyr ótkizetin naýqastar, iaǵni 65 jastan joǵary adamdar», - dep málim etti aýrýhana direktory Doniior Mirazimov.
Bólimshe meńgerýshisi Rano Islamovanyń aitýynsha, qazirgi kezde reanimatsiia bólimsheleriniń tósek oryndary tolyq.
«Jansaqtaý bólimshelerine túskenderdiń kóbine koronavirýsqa qarsy vaktsina alýyna bolar edi, alaida olar belgili bir sebeptermen ekpe alýdan bas tartqan. Bizde bólimshelerde otbasymen jatqandar bar. Jeti adamnan turatyn otbasy bar. Qazirgi kezde respýblikamyzda indet órship tur. Naýqastar sany óte kóp. Bólimshede 80 tósek oryn jabdyqtalǵan. Olardyń eshbiri bos emes», - dedi dáriger.
Ózbekstannyń Densaýlyq saqtaý ministrliginiń derekterine sáikes, elde sońǵy aptada aýrýdyń turaqty ósýi baiqalady. Ótken táýliktiń ózinde 427 adam koronavirýs juqtyrǵan. Tashkent (163) jáne Tashkent oblysy (61) kósh bastap tur. Aýrýhanalarda koronavirýs juqtyrǵan 3 571 naýqas jatyr.
