24 naýryzdaǵy jaǵdai boiynsha Ózbekstanda koronavirýs juqtyrǵandar sany 49 adamǵa jetti, dep habarlaidy QaAqparat.
Ózbekstannyń densaýlyq saqtaý ministrliginiń málimetinshe, koronavirýs Reseiden kelgen eki jolaýshydan, sondai-aq Túrkiiadan kelgen naýqastyń jubaiynan tabylǵan. Osylaisha, Ózbekstanda COVID-19 tikelgender sany 49 adamǵa jetti.
Osyǵan orai, Ózbekstanda qosymsha birqatar shekteý engizildi. Atap aitqanda, 24 naýryzdan bastap Tashkent qalasyna kirýge jáne shyǵýǵa tyiym salyndy. Sondai-aq, azyq-túlik dúkenderinen basqa barlyq bazarlar men saýda ortalyqtary jabylyp jatyr.
Buǵan qosa, Ózbekstan turǵyndaryna koronavirýs juqtyrdy degen kúdik boiynsha karantinde jatqandar men aýrý juqtyrǵan tulǵalardyń uialy telefondary, aýdio jáne video qurylǵylary, bank kartalary men basqa da zattary ýaqytsha tárkilenedi. Onyń sebebi atalǵan joq.
