Ózbekstan Respýblikasynda 800 myńnan astam qazaq turyp jatyr. Bul týraly Ózbekstan Respýblikasynyń Qazaqstandaǵy Tótenshe jáne Ókiletti elshisi Saidikram Niiazhodjaev málim etti, dep habarlaidy QazAqparat.
«2018 jyly Qazaqstanda Ózbekstan respýblikasy jyly atalyp ótildi. Aitýly jyl aiasynda Qazaqstanda túrli baǵyttaǵy 90-nan astam is-shara uiymdastyryldy. Sáikesinshe, 2019 jyly bizdiń elde Qazaqstan jyly atalyp ótildi jáne onyń aiasynda 80-nen astam is-shara ótti. Ekijaqty ótken is-sharalar saiasi, aǵartý, mádeni jáne gýmanitarlyq baǵytty meńzedi. Ókinishke qarai, 2020 jyly pandemiiaǵa bailanysty ekijaqty is-sharalardy toqtata turýǵa týra keldi. Degenmen eki el arasyndaǵy ózara bailanys toqtaǵan emes», - dedi Saidikram Niiazhodjaev elordadaǵy Ózbekstan elshiliginde ótken baspasóz máslihatynda.
Odan bólek, elshi Ózbekstandaǵy qandastardyń taǵdyry týraly aitty.
«Qazirgi tańda Ózbekstanda 822 myń qazaq ómir súrip jatyr. Olar Ózbekstan eliniń damýyna óz úlesin qosýda. Bizdiń elde 400-dei mektep qazaq tilinde bilim berip jatyr. Sonymen qatar, Ózbekstannyń 7 joǵary oqý ornynda gýmanitarlyq jáne tehnikalyq mamandyqtar qazaq tilinde úiretilip jatyr. 1992 jyldan beri Ózbekstannyń 30 oblys ortalyǵynda qazaq mádeni ortalyǵy jumys istep tur», - deidi ol.
