Ózbekstanda imamdar dini sebepterge bailanysty sottalǵandardyń nemese ekstremizm kúdigimen izdeý jariialanǵandardyń týystarymen áńgimelesip, suhbattasady.
Ándijan oblysy meshitiniń imamy sońǵy aida dini sebeppen sottalǵandardyń jáne shetelge ketip, ekstremizm kúdigine ilingen turǵyndardyń úilerinde áńgimelesý jáne túsindirý jumystaryn júrgizip jatqanyn habarlady.
Tashkenttiń Almazar aýdanyndaǵy meshittiń imamy áńgimeleý jáne túsindirý jumystarynyń respýblika boiynsha júrgizilip jatqanyn aitady. Imamdar keibir "dindarlardyń" týystarymen áńgimede Ózbekstan prezidenti Shavkat Mirziiaevtiń "dini raqymshylyq jasaý nieti" bary týraly aitqan. Biraq parlament ókili mundai raqymshylyq jasalatynyn joqqa shyǵardy.
Adam quqyǵyn qorǵaityn "Ezgýlik" qoǵamynyń ókili ári tashkenttik táýelsiz jýrnalist Abdýrahman Tashanov Tashkenttiń keibir tanymal jáne bedeldi imamdary dini sebeptermen sottalǵandardyń isterin zerttep jatqanyn aitady. "Bedeldi imamdar bilikke bul adamdardyń memleketke qaýip tóndirmeitinin jáne bostandyqqa shyǵýǵa bolatynyn túsindirý úshin olardyń isterin zerttep jatyr" dedi jýrnalist.
